Знайсці
19.05.2024 / 11:122РусŁacБел

Прыватная стаматалогія, якой Мінздароўя прыпыняла ліцэнзію, аднавіла працу

У інстаграме прыватнай стаматалогіі «Апрель» з’явілася паведамленне, што клініка зноў пачынае прымаць кліентаў. Раней «Нашай Ніве» стала вядома, што Мінздароўя прыпыніла дзейнасць яе ліцэнзіі.

Стаматалогія «Апрель». Фота: «Яндэкс Карты»

Прыватная клініка «Апрель» аказвае комплекснае стаматалагічнае лячэнне. Знаходзіцца яна ў вёсцы Каралёў Стан (9 кіламетраў ад Мінска ў напрамку Нацыянальнага аэрапорта). Побач з клінікай ёсць яе міні-гатэль, у якім могуць спыніцца як кліенты, так і звычайныя падарожнікі. Дарэчы, гатэль працаваў амаль паўтара месяцы ў штатным рэжыме.

Нагадаем: напрыканцы сакавіка на сайце і ў сацыяльных сетках стаматалогіі раптоўна з'явілася паведамленне, што з 1 красавіка клініка часова прыпыняе прыём пацыентаў. Кліентам прапанавалі перазапісацца на май, але без гарантыі.

Скрыншот інстаграму aprilmed.by

Як высветліла «Наша Ніва», справа была ў тым, што Міністэрства аховы здароўя прыпыніла ліцэнзію «Апрель-клиник». Але афіцыйнай інфармацыі пра гэта не з’явілася ні на сайце міністэрства, ні ў яго тэлеграм-канале. Пра тое, што клініцы дазволілі зноў працаваць, міністэрства таксама чамусьці вырашыла не паведамляць.

Магчыма, гэта звязана з тым, што раней падобныя навіны выклікалі бурную негатыўную рэакцыю грамадства. Напрыклад, калі ў маі 2022 года Міністэрства аховы здароўя прыпыніла дзейнасць дзвюх медыцынскіх кампаній — «Клінікі А1» і «Ладэ», навіна атрымала такі рэзананс, што каментаваць яе прыйшлося тагачаснагаму міністру Дзмітрыю Піневічу. Паводле яго слоў, нічога экстраардынарнага не адбывалася — з падобнымі цяжкасцямі з пачатку 2022 года сутыкнуліся 20 беларускіх кампаній. На выпраўленне недахопаў ім далі тэрмін да 6 месяцаў.

У «Ладэ» тады атрымалася аднавіць дзейнасць у рэкордныя тэрміны — праз месяц. Для А1 сітуацыя склалася горшым чынам: нягледзячы на тое, што афіцыйна аб закрыцці клінікі не паведамлялася, цяпер сайт медцэнтра недаступны, а яго сацыяльныя сеткі перасталі абнаўляцца ў 2022 годзе.

Чытайце таксама:

Прыватная стаматалогія раптоўна паведаміла, што з 1 красавіка прыпыняе прыём кліентаў

«Як можна зменшыць кошт паслугі адразу на 40 працэнтаў?» Стаматолагі пра намеры Мінздароўя абмежаваць цэны

На мяжы з Польшчай паставілі рэкламныя плакаты — палякаў хочуць завабіць у Беларусь таннай стаматалогіяй ФОТЫ

«Зрабіла зубы за вашы падаткі». 26-гадовая шматдзетная маці патраціла мацярынскі капітал на стаматолага

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
1
Ха-ха
0
Ого
0
Сумна
0
Абуральна
0
0
Да уж/адказаць/
19.05.2024
Кстати, очень хорошая клиника. И ценник адекватный
19.05.2024
Ой они классные. Рвал как-то у них свои восьмёрки
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930