Колькі подпісаў збіралі дэмакратычныя кандыдаты на прэзідэнцкіх выбарах? Лідар — Пазняк ТАБЛІЦА
Зянон Пазняк у 1994 годзе падаў амаль 217 тысяч подпісаў
Віктар Бабарыка абвесціў, што ў яго падтрымку ўжо сабрана больш за 230 тысяч подпісаў. Застаецца яшчэ 10 дзён збору подпісаў, таму лічба дакладна вырасце. З іншага боку, тэрытарыяльныя камісіі могуць сабраць частку дакументаў.
У любым разе выглядае, што лічбы падтрымкі Бабарыкі большыя, чым у іншых дэмакратычных кандыдатаў на ўсіх ранейшых прэзідэнцкіх выбарах.
«Наша Ніва» склала рэйтынг паводле колькасці подпісаў у падтрымку дэмакратычных кандыдатаў за ўсе выбары.
| № | Кандыдат | Год | Подпісы |
| 1 | Зянон Пазняк | 1994 | 216 855 |
| 2 | Аляксандр Мілінкевіч | 2006 | 198 688 |
| 3 | Уладзімір Някляеў | 2010 | 180 073 |
| 4 | Сямён Домаш | 2001 | 160 077 |
| 5 | Аляксандр Казулін | 2006 | 157 986 |
| 6 | Андрэй Саннікаў | 2010 | 142 023 |
| 7 | Станіслаў Шушкевіч | 1994 | 123 552 |
| 8 | Яраслаў Раманчук | 2010 | 123 206 |
| 9 | Уладзімір Ганчарык | 2001 | 121 041 |
Таццяна Караткевіч, якая вылучалася ў 2015 годзе, прадаставіла 107 299 подпісаў.
Многія кандыдаты-2010 — Мікола Статкевіч, Рыгор Кастусёў, Віталь Рымашэўскі, Алесь Міхалевіч — заявілі, што сабралі патрэбную колькасць подпісаў, але ў дэмакратычнай супольнасці застаюцца пытанні наконт праўдзівасці гэтых дакументаў. У любым разе ў іх было менш за 120 тысяч подпісаў.
Кандыдаты накшталт Сяргея Гайдукевіча ў табліцу, натуральна, не ўключаліся.
