Hałoŭny architektar Minska: ja b zabaraniŭ budavać u stalicy «panelki»
Minsk — kamfortny horad?
Hałoŭny architektar stalicy Alaksandr Piatroŭ ličyć, što całkam. Navat niahledziačy na toje, što siarod jeŭrapiejskich
— Naprykład, nasielnictva Varšavy amal takoje ž, jak u nas, — 2 młn 200 tysiač čałaviek. A płošča Varšavy ŭ dva razy bolšaja za płošču Minska, — skazaŭ Piatroŭ haziecie «Źviazda». — Nasielnictva Vilni składaje kala 800 tys. čałaviek, miž tym jaje płošča taksama ŭ dva razy bolšaja za minskuju.
Tym nie mienš hałoŭny architektar ličyć Minsk vielmi zručnym horadam. Hałoŭnaja pieravaha — kampaktnaść, u stalicy Biełarusi za košt karotkich adlehłaściaŭ niama aŭtamabilnych kałapsaŭ, jak u Maskvie i
— Da taho ž u našym horadzie vielmi dobraja płanirovačnaja struktura. Mnohija jeŭrapiejcy, pryjazdžajučy siudy, kažuć, što ŭ Minsku vielmi lohka aryjentavacca. Heta i dla miascovych žycharoŭ vielmi zručna. Akramia ŭsiaho inšaha, dziakujučy racyjanalnaj płaniroŭcy ŭ nas niama vialikaj ciesnaty.
Alaksandr Piatroŭ panarakaŭ na toje, što pakul isnuje zabarona na vykarystańnie vornych ziemlaŭ: praz heta byli adkładzienyja płany pa asvajeńni rajonaŭ u Navinkach i Ščomyślicy. Jašče adna prablema horada — zališniaje budaŭnictva tannych sacyjalnych damoŭ, jakija nie ŭpryhožvajuć stalicu i spryjajuć «raździmańniu» jaje nasielnictva.
— Ja naohuł by zabaraniŭ budavać u Minsku panelnyja damy: ich užo zašmat dla stalicy, — zajaviŭ Piatroŭ. — Jany niedarahija i bolš za ŭsio spryjajuć pavieličeńniu nasielnictva horada: ludzi z pravincyi kuplajuć u ich kvatery, u vyniku čaho praciahvajecca pryrost staličnych žycharoŭ.
Na žal, pryvatnaje mierkavańnie architektara, chaj i hałoŭnaha, naŭrad ci źmienić situacyju. Panelnaje domabudavańnie, ličać ekśpierty budaŭničaha rynku, najbližejšym časam zastaniecca najbolš aktualnym dla Minska. Pryčyna na pavierchni: ludzi čakajuć ad dziaržavy tannaha žylla, rasčaravać ludziej dziaržava nie moža.
