Majkł Duhłas: «80%, što ačuniaju ad raku»
Viadomy amierykanski aktor Majkł Duhłas ličyć, što chutčej za ŭsio zdolny ačuniać paśla raku dychnicy (hartani), jaki vyjavili ŭ jaho try tydni tamu. Pra heta jon paviedamiŭ učora padčas telešou Devida Łetermana. U kadry Majkł Duhłas trymaŭsia aptymistyčna: žartavaŭ i raskazvaŭ pra svoj novy film «Hrošy nie dremluć», jaki źjaŭlajecca praciaham askaranosnaha «Uoł-stryt».
Duhłas, niahledziačy na chvarobu, vyrašyŭ źjavicca pierad publikaj, pažartavaŭšy: «Voś nakolki daloka ja mahu zajści, kab prapijaryć svoj film». Niahledziačy na humar, Duhłas nie abyšoŭ i surjoznych pytańniaŭ dy raspavioŭ hledačam pra svaju chvarobu. Rak dychnicy vyjavili ŭ Duhłasa paśla praciahłych skarhaŭ na boli ŭ horle. Majkł Duhłas dadaŭ, što prajšoŭ chimijaterapiju, i lekary dajuć jaho akryjańniu 80 adsotkaŭ pośpiechu.
U kancy pieradačy viadoŭca Łeterman spytaŭ, što jon moža zrabić dla Majkła, a toj adkazaŭ: «Abniać». Abdymki adbylisia pad mahutnyja vopleski publiki.
Majkł Duhłas (nar. 1944) — viadomy halivudski aktor. Jon staŭ viadomym paśla rolaŭ u filmach «Raman z kamieniem» i «Asnoŭny instynkt». Duhłas dvojčy byŭ łaŭreatam premii «Oskar». Jaho baćka Kierk Duhłas, viadomy pa roli Spartaka, naradziŭsia ŭ siamji vychadcaŭ z Homiela.
