Rasijski Arenburh moža pajści pad vadu
Mer horada paviedamiŭ pra pačatak prymusovaj evakuacyi rajonaŭ, padtoplenych rakoj Urał. U častcy rajonaŭ horada ŭžo adklučana elektryčnaść.
Pavodka ŭ Orsku. Fota: Administration of the city of Orenburg Telegram Channel via AP
Pavodle słoŭ Siarhieja Sałmina, da nočy ŭzrovień vady ŭ horadzie moža dasiahnuć «krytyčnaj adznaki». U častcy rajonaŭ horada ŭžo adklučana elektryčnaść.
«U najbližejšy čas my vykarystoŭvajem sistemu abviestki, pastaŭciesia da sihnału surjozna, — havorycca ŭ zvarocie mera. — U nas bolš niama času na ŭhavory. Tych, chto admovicca pakidać niebiaśpiečnuju zonu dobraachvotna, my budziem evakuiravać prymusova, pry ŭdziele supracoŭnikaŭ palicyi». U horadzie abjaŭleny režym nadzvyčajnaj situacyi.
Ułady Arenburha zajaŭlajuć, što krytyčnaja adznaka ŭzroŭniu vady dla horada — 930 sm. Ciapier jana ŭžo 855 santymietraŭ, što vyšej za aficyjny «niebiaśpiečny» ŭzrovień, piša Radyjo Svaboda.
Čytajcie taksama:
U rasijskim Orsku prarvała dambu, evakujujuć tysiačy žycharoŭ
