Normy biaspošlinnaha ŭvozu tavaraŭ dla asabistaha karystańnia źmieniacca z 1 krasavika
Normy biaspošlinnaha ŭvozu ŭ Biełaruś tavaraŭ dla asabistaha karystańnia źmieniacca z 1 krasavika, paviedamlaje Dziaržaŭny mytny kamitet.
Z 1 krasavika 2024 hoda spyniajecca termin dziejańnia raniej ustanoŭlenych norm. U adpaviednaści z rašeńniem Savieta JEEK, da 1 krasavika 2024 hoda ŭstanoŭleny normy biaspošlinnaha ŭvozu tavaraŭ dla asabistaha karystańnia, jakija ŭvoziacca naziemnymi vidami transpartu, a taksama ŭ mižnarodnych paštovych adpraŭleńniach i pieravozčykam u adras fizičnych asob, u pamiery 1 tys. jeŭra i 31 kh.
Z 00:00 1 krasavika normy biaspošlinnaha ŭvozu tavaraŭ dla asabistaha karystańnia składuć 500 jeŭra i 25 kh u dačynieńni da tavaraŭ, jakija ŭvoziacca naziemnym transpartam;
200 jeŭra i 31 kh u dačynieńni da tavaraŭ, jakija ŭvoziacca ŭ mižnarodnych paštovych adpraŭleńniach i pieravozčykam u adras fizičnych asob.
Što datyčycca tavaraŭ dla asabistaha karystańnia, jakija ŭvoziacca pavietranym transpartam, norma biaspošlinnaha ŭvozu nie mianiajecca i składaje 10 tys. jeŭra i 50 kh.
Dziaržaŭny mytny kamitet prosić uličvać hetu infarmacyju pry pierasiačeńni mytnaj hranicy.
Čytajcie taksama:
Vyraśli sutačnyja za kamandziroŭki, jakija nie mianialisia 5 hadoŭ
Z 1 krasavika pavialičycca bazavaja vieličynia, jakaja nie mianiałasia 5 hadoŭ
