Rasijskich chakieistaŭ, jakija pavykidali pryzy, atrymanyja z ruk Baskava, usio ž pakarali
29 lutaha dyscyplinarny kamitet Fiederacyi chakieja Rasii vynies rašeńnie pa epizodzie, jaki zdaryŭsia paśla finalnaha matča «Kubka budučyni» ŭ Minsku pamiž moładzievaj zbornaj Biełarusi i junijorskaj zbornaj Rasii. Tady rasijskija chakieisty, niezadavolenyja niespraviadlivym, na ich dumku, vynikam prajhranaha imi matča, paśla atrymańnia ŭznaharod z ruk «sienatara» Dźmitryja Baskava pakinuli ich tut ža na lodzie.
Dźmitryj Baskaŭ i rasijski chakieist padčas skandalnaha ŭznaharodžańnia
Pa vynikach razhladu DK FCHR pastanaviŭ:
- hałoŭnamu trenieru kamandy Alaksandru Citovu ciaham šaści miesiacaŭ zabaronienaja trenierskaja dziejnaść u zbornych kamandach Rasii;
- dyskvalifikavać na try matčy ŭ składzie zbornych kamand Rasii chakieistaŭ junijorskaj zbornaj: bramnika Piatra Andrejanava, napadnikaŭ Jahora Suryna i Vadzima Dudarava.
Taksama hetym trom chakieistam ustanoŭleny vyprabavalny termin šeść miesiacaŭ. U vypadku paŭtornaha parušeńnia za hety pieryjad na ich buduć nakładzienyja bolš strohija sankcyi.
Raniej Dźmitryj Baskaŭ publična vykazvaŭ niezadavolenaść tym, što choć chakieistaŭ prymusili prynieści publičnyja prabačeńni, aficyjna Fiederacyja chakieja Rasii na hety incydent nie reahavała.
Čytajcie taksama:
Rasijskich chakieistaŭ, jakija kinuli na lod uručanyja Baskavym pryzy, prymusili prabačacca
Baskaŭ prakamientavaŭ skandał na chakiejnym «Kubku budučyni» ŭ Minsku
