Unačy Rasija ŭdaryła pa Ukrainie «Šachiedami»
Bolšaść «Šachiedaŭ» zapuskajecca z uschodniaha ŭźbiarežža Azoŭskaha mora abo z Krymskaha paŭvostrava.
Fota: Siły abarony Poŭdnia
U noč na 5 kastryčnika rasijanie ździejśnili čarhovuju masiravanuju ataku pa Ukrainie z užyvańniem udarnych BPŁA «Šachied». Tolki na poŭdni ich źniščyli niekalki dziasiatkaŭ, raspaviała kiraŭnica Abjadnanaha kaardynacyjnaha pres-centra sił abarony Poŭdnia Natalla Humianiuk.
«Noč była znoŭ ža tryvožnaj. Była bajavaja praca, napružanaja bajavaja praca: jak kontrbatarejnaja na linii frontu, tak i sił supraćpavietranaj abarony ŭ bolš tyłavych rehijonach. I jość užo papiarednija vyniki — 24 «Šachiedy» byli źniščanyja ŭ našaj zonie adkaznaści, heta i paŭdniovyja, i paŭdniova-ŭschodnija rehijony, kudy vorah nakiravaŭ ich. Kančatkovyja vyniki jašče padviadziem i raskažam. Ale sam fakt — praciahvajecca teror rehijonaŭ, jakija mohuć pastaŭlać siły i padtrymlivać pryfrantavyja terytoryi», — adznačyła jana ŭ efiry telemarafonu.
Bolšaść «Šachiedaŭ» zapuskajecca z uschodniaha ŭźbiarežža Azoŭskaha mora abo z Krymskaha paŭvostrava, tamu «sustrakać» ich prychodzicca siłam SPA ŭ paŭdniovych rehijonach Ukrainy, piša UNIAN.
