Valik Hryško: Čamu my, biełarusy, nie razmaŭlajem na rodnaj movie?
Paśla naviedvańnia kancerta «Trojcy» śpiavak u čarhovy raz paabiacaŭ vyvučyć biełaruskuju movu.
Paśla naviedvańnia kancerta «Trojcy» śpiavak u čarhovy raz paabiacaŭ vyvučyć biełaruskuju movu.
Pra heta hienieralny pradziusier telekanału «MTV-Minsk» raspavioŭ u hutarcy z «Jeŭraradyjo». Jon skazaŭ, što kancert «Trojcy» jaho mocna ŭraziŭ:
«Viadoma, biełaruskuju movu paśla kancerta zachaciełasia vyvučyć. Ja ž zusim nie razmaŭlaju na joj. Stydoba! Čamu my, biełarusy, nie razmaŭlajem na rodnaj movie? Ja niejkim niepaŭnavartasnym siabie adčuŭ, niahledziačy na toje, što ja blizki da kultury i muzyčnaj i moładzievaj i ŭvohule da nacyjanalnaj».
Zaznačym, što Valik Hryško nie pieršy raz abiacaje vyvučyć biełaruskuju movu. U pryvatnaści, uletku 2005 hoda pierad adkryćciom telekanału «MTV-Minsk», śpiavak, jaki byŭ adnym z kiraŭnikoŭ prajektu, zajaviŭ žurnalistam, što pakul što jon drenna razmaŭlaje pa-biełarusku. Sp. Hryško skazaŭ tady, što «budzie paprostu abaviazany ciahnucca da biełaruskaj movy — i, jak jon akreślivaje, ciaham chutkaha času zahavoryć pa-biełarusku volna», a ŭsie prahramy, zroblenyja ŭ Minsku, «buduć iści tolki na biełaruskaj movie, i ŭvohule biełaruskaje MTV stanie ŭ krainie adzinaj teleprahramaj, dzie viadoŭcy buduć razmaŭlać vyklučna pa-biełarusku».
