Kiraŭnika japonskaj hramadskaj arhanizacyi abvinavacili ŭ niezakonnym spryjańni transpłantacyi orhanaŭ suajčyńnikam u Biełarusi
Dyrektara japonskaj Asacyjacyi pacyjentaŭ ź ciažkimi zachvorvańniami Chiramičy Kikučy abvinavačvajuć u niezakonnym spryjańni pierasadcy orhanaŭ recypijentam ź Japonii, jakim byli zroblenyja apieracyi ŭ Biełarusi, paviedamiła 20 sakavika japonskaje infarmahienctva «Kijoda Cusin», źviarnuŭ uvahu «Pozirk».
Zdymak z fotarepartažu pra naviedvańnie Łukašenkam Minskaha navukova-praktyčnaha centra chirurhii, transpłantałohii i hiematałohii. Los hetaha pacyjenta nieviadomy
Sa spasyłkaj na abvinavaŭčaje zaklučeńnie adznačajecca, što ad dvuch japoncaŭ, jakich paśla adpravili na apieracyju ŭ Biełaruś, hetaja niekamiercyjnaja arhanizacyja atrymała 51,5 miljona ijen (390 tysiačaŭ dalaraŭ). Adnamu z pacyjentaŭ patrabavałasia pierasadka nyrki (jaho apieryravali ŭ lipieni 2022 hoda), inšamu — piečani (u lutym 2022 hoda). Apošni, pavodle infarmacyi žurnalistaŭ, paźniej pamior.
25 lutaha 2022 hoda padčas naviedvańnia Alaksandram Łukašenkam Minskaha navukova-praktyčnaha centra chirurhii, transpłantałohii i hiematałohii jaho dyrektar Aleh Rumo zajaviŭ, što «vialikaja kolkaść pacyjentaŭ z roznych kutkoŭ śvietu, nie tolki z postsavieckaj prastory, ale navat z takich vysokatechnałahičnych krain, jak Izrail albo Japonija, pryjazdžajuć da nas na lačeńnie».
Čytajcie taksama:
Dva japoncy pamierli paśla transpłantacyi orhanaŭ u Biełarusi. U Japonii zaviali kryminalnuju spravu
