Arciom Dziuba: Ja całkam za Pucina i hetaha nie chavaju
Forvard «Łakamatyva» ŭ intervju Nobielu Arustamianu raspavioŭ, jak vieryć u spravu Pucina i Rasiju.
Skryn: sports.ru
Dziuba kaža, što nie choča žyć za miažoju. «Navat kali b mianie paklikali (a mianie nie pakličuć), ja b nie pajechaŭ. Z-za situacyi, z-za radykalnaha staŭleńnia da nas. Liču, heta niepryhoža. Źniali ŭsie svaje maski i pakazali ŭsie svaje adnosiny da nas. Kali vy da nas tak staviciesia, to nam vy tym bolš nie patrebnyja. Naohuł ich ciarpieć nie mahu», — skazaŭ jon.
Jon kaža, što vieryć u svaju krainu.
«Ja patryjot svajoj krainy, ja lublu svaju krainu. Historyja ŭsio rassudzić hłabalna ŭ dalejšym. Ciapier ja całkam za prezidenta, za Pucina i hetaha nie chavaju. Ja za svaju krainu. I vieru, što ŭsio budzie dobra. Ja taki, choć zabicie, da kanca budu za svaju krainu. Historyja rassudzić, chto maje racyju, chto nie maje racyi, a ja da kanca budu vieryć: my za pravuju spravu».
Dziuba pryvodzić prykład taho, što robić jaho ščaślivym u Rasii.
«Hłabalna ja varjacki ščaślivy, što ŭ majoj krainie jość mužčyna i žančyna, tata i mama.
Niama voś hetaha ŭsiaho niezrazumiełaha: «rabicie aborty», hiendarnaj prynaležnaści. Stolki mifičnych stvareńniaŭ zjaŭlajecca, niebinarnych asob, jašče niešta. Ja pračytaŭ intervju aktrysy: «Dla niebinarnaj asoby ja dobra syhrała žančynu». Boža, ty syhrała žančynu! Viadoma, dobra syhrała! Nie mužyka ž syhrała!
Hanarusia, što my hetaha nie dazvalajem, što ŭ nas jość heta i zaŭsiody budzie — u našaj krainie mužčyna z žančynaj. Baćki — tata i mama. Kaštoŭnaści — siamja i luboŭ da dziaciej. Nie chaču pahłyblacca, ale što masava adbyvajecca ŭ śviecie, mnie nie padabajecca», — skazaŭ jon.
