Ministr kultury: Zdradnikam nie miesca na scenie
22 lutaha prajšło pasiadžeńnie kalehii Ministerstva kultury Biełarusi. Pra heta paviedamlaje telehram-kanał viedamstva. U pryvatnaści, zajšła havorka pra artystaŭ, jakija brali aktyŭny ŭdzieł u padziejach 2020 hoda ŭ Biełarusi.
Fota: sb.by
— Zdradnikam nie miesca na scenie, budź to śpiecmierapryjemstva abo kancert u ahraharadku, — zajaviŭ Anatol Markievič.
Ministr rastłumačyŭ, što da kožnaha artysta abo tvorčaha kalektyvu, jaki zajaviŭ pra adračeńnie ad raniejšych pohladaŭ i pra žadańnie pracavać na karyść Biełarusi, budzie prymianiacca indyvidualny padychod.
— Kali čałaviek ščyra raskajvajecca ŭ svaich słovach, pastach, łajkach, hatovy pracavać na dziaržavu i publična zajavić pra svaju hramadzianskuju pazicyju, to jamu dajecca druhi šaniec. Kali słovy pakajańnia akazvajucca chłuśnioj, z takimi ludźmi my rasstajomsia adrazu i nazaŭždy, — reziumavaŭ Markievič.
