Palitviaźnia asudzili na try z pałovaj hady kałonii za abrazu Łukašenki i hienieralnaha prakurora
U Homielskim abłasnym sudzie 16 studzienia asudzili Alaksandra Puhača pavodle č. 1 art. 130 (raspalvańnie inšaj sacyjalnaj varožaści), č. 1 art. 366 (hvałt abo pahroza hvałtam u dačynieńni da słužbovaj asoby), č. 1 art. 368 (abraza Łukašenki), art. 369 (abraza pradstaŭnika ŭłady) Kryminalnaha kodeksa. Sudździa Rusłan Caruk pryznačyŭ mužčynu try z pałovaj hady pazbaŭleńnia voli ŭ kałonii va ŭmovach ahulnaha režymu i kampiensacyju maralnaj škody pamieram 10000 rubloŭ i 100 bazavych vieličyniaŭ, paviedamlaje «Viasna».
Alaksandr Puhač byŭ zatrymany 17 žniŭnia 2022 hoda supracoŭnikami HUBAZiKa pa padazreńni ŭ ździajśnieńni złačynstva pavodle art. 130 KK (raspalvańnie varožaści), č. 1 art. 366 KK (hvałt abo pahroza ŭ dačynieńni da słužbovaj asoby), art. 369 KK (abraza pradstaŭnika ŭłady), art. 368 KK (abraza Łukašenki).
Zhodna ź viersijaj śledstva, Alaksandr Puhač «z kastryčnika 2020 hoda pa sakavik 2022 hoda ŭ Telegram abražaŭ Łukašenku, a taksama pradstaŭnikoŭ ułady, u tym liku hienieralnaha prakurora Respubliki Biełaruś, u suviazi z vykanańniem imi słužbovych abaviazkaŭ». Ciapier Alaksandr znachodzicca ŭ homielskim SIZA.
Padtrymajcie palitviaźnia: SIZA-3, 246003, h. Homiel, vuł. Knižnaja, 1A, Alaksandr Uładzimiravič Puhač