Zialenski ab pucinskim spynieńni ahniu: Najlepšy sposab spynić ahoń — heta vyvad rasijskich vojskaŭ
Prezident Ukrainy Uładzimir Zialenski ŭśled za čalcami svajoj kamandy admioŭ zajavu rasijskaha lidara Pucina ab kaladnym spynieńni ahniu jak kryvadušnuju sprobu atrymać pieradyšku.
Fota: AP/Jacquelyn Martin
Zialenski pryśviaciŭ zajavie Pucina druhuju pałovu svajho štoviečarovaha videazvarotu i pramoviŭ hetuju častku pa-rusku, u formie zvarotu da hramadzian Rasii.
Ukrainski prezident nahadaŭ, što Ukraina ŭžo prapanavała svaju «formułu miru», ale hałoŭny elemient u joj — sychod rasijskich akupantaŭ..
«Vyviadzieńnie rasijskich akupacyjnych vojskaŭ z terytoryi našaj krainy — heta harantavany i nadziejny sposab spynić ahoń, čałaviečyja straty i naohuł vajnu», — skazaŭ Zialenski.
«Ciapier jany chočuć vykarystać Kalady jak prykryćcio, kab choć nienadoŭha spynić prasoŭvańnie našych chłopcaŭ na Danbasie i padahnać bližej da našych pazicyj techniku, bojeprypasy i mabilizavanych. Što heta daść? Tolki čarhovaje pavieličeńnie strat. Usie ŭ śviecie viedajuć, jak Kreml vykarystoŭvaje pieradyški na vajnie, kab praciahnuć vajnu z novaj siłaj», — praciahnuŭ prezident Ukrainy.
«Vajna skončycca, kali vašy sałdaty abo syduć, abo my ich vyhanim. Takim čynam, chaj zabirajuć unitazy — jany im u darozie spatrebiacca — i viartajucca da siabie», — skazaŭ na zakančeńnie Zialenski.
