Rasijan dazvolili pryščaplać praterminavanym «Sputnikam»
Ministerstva achovy zdaroŭja Rasii praciahnuła terminy prydatnaści ŭžo vyrablenaj vakcyny suprać karanavirusa «Sputnik V». Ciapier jany składajuć ad paŭhoda da hoda dla preparataŭ roznych vytvorcaŭ.
Rašeńnie nibyta zasnavanaje na vynikach ekśpiertyzy, jakaja «paćvierdziła biaśpieku i efiektyŭnaść vakcyn».
«Źviestki pra bolš karotki termin prydatnaści, nazvanyja na ŭpakoŭcy preparata, vyrablenaha da pryniaćcia pastanovy ab jaho padaŭžeńni, nie źjaŭlajucca prykmietaj taho, što preparat praterminavany», — udakładnili ŭ Ministerstvie.
Pra praterminavanyja vakcyny viedamstva zahavaryła na fonie 30-razovaha padzieńnia vytvorčaści novych preparataŭ. Za pieršaje paŭhodździe 2022 hoda ŭ Rasii vypuścili ŭsiaho 2,34 młn dozaŭ «Sputnik V», u toj čas jak za anałahičny pieryjad 2021-ha — 85,5 młn.
