Palitźniavolenaja Volha Paŭłava vyjechała z-pad chatniaj chimii ŭ Litvu
Doŭhi čas jaje miescaznachodžańnie było nieviadomaje.
Volha Paŭłava, fota Nadziei Bužan
14 červienia jana nie viarnułasia dadomu paśla čarhovaj adznaki ŭ milicyi — aktyvistka prysudžanaja da troch hadoŭ chatniaj chimii za «hrubaje parušeńnie hramadskaha paradku». 15 červienia źjaviłasia infarmacyja, što jana doma, ale nieŭzabavie Volha źnikła znoŭ.
Siońnia stała viadoma, što palitźniavolenaja znachodzicca ŭ Litvie.
9 žniŭnia dziaŭčyna była paranienaja humovaj kulaj i askiepkam śviatłošumavoj hranaty, tady ž trapiła na Akreścina. Padčas razhonu płoščy Pieramien jaje zatrymali i ŭ vyniku vystavili abvinavačvańnie pavodle kryminalnaha artykuła. 17 dzion Volha praviała ŭ karcary. Sudździa Maryna Zapaśnik asudziła jaje za «hrubaje parušeńnie hramadskaha paradku» da troch hadoŭ chatniaj chimii. Volha maje syna.