Biełaruś siońnia pierachodzić na ličbavaje televiaščańnie
Biełaruś siońnia pierachodzić na naziemnaje ličbavaje televizijnaje viaščańnie.
«Simvaličny poŭny pierachod na naziemnaje ličbavaje televizijnaje viaščańnie budzie zrobleny siońnia, kali anałahavaje efirnaje televizijnaje viaščańnie ŭ decymietrovym dyjapazonie chval budzie spyniena na apošnich 10 abjektach, u tym liku na hałoŭnaj radyjotelevizijnaj pieradajučaj stancyi krainy ŭ Kałodziščach», - rastłumačyli ŭ Minsuviazi.
Pieršyja adklučeńni ŭ krainie praviedzieny 1 žniŭnia 2013 hoda, kali anałahavyja efirnyja televizijnyja pieradatčyki decymietrovaha dyjapazonu chval byli vyklučany ŭ nasielenym punkcie Asipovičy. Usiaho za hety čas anałahavaje televizijnaje viaščańnie spyniena na 32 abjektach (76%).
Raźvićcio ličbavaha televizijnaha viaščańnia standartu DVB-T ažyćciaŭlajecca pry realizacyi Dziaržaŭnaj prahramy ŭkaranieńnia ličbavaha televizijnaha i radyjoviaščańnia ŭ Biełarusi da 2015 hoda. Dziaržprahrama nakiravana na palapšeńnie jakaści pradastaŭleńnia pasłuh pa tranślacyi televizijnych prahram, pavyšeńnie efiektyŭnaści vykarystańnia radyjočastotnaha resursu, enierhaźbieražeńnie, zabieśpiačeńnie dostupu nasielnictva respubliki da dziaržaŭnaha abaviazkovaha ahulnadastupnaha pakieta ličbavych televizijnych prahram, asvajeńnie vytvorčaści novych vidaŭ pryjomnaha i pieradajučaha televizijnaha abstalavańnia.
Dla pryjomu abaviazkovaha ahulnadastupnaha pakieta teleprahram nieabchodny televizar z padtrymkaj standartu DVB-T i farmatu kadziravańnia MPEG-4 abo ličbavaja televizijnaja prystaŭka z anałahičnymi paramietrami, jakaja padklučajecca da zvyčajnaha televizara. Dla infarmavańnia nasielnictva ab pierachodzie na ličbavaje efirnaje televiaščańnie stvorana daviedačnaja słužba, kudy možna pazvanić pa karotkim numary 172.
