Ananič: Discovery zdymie cykł prahram pra Biełaruś
Z kanałam damovilisia ab stvareńni prahram pra nacyjanalnuju pryrodnuju spadčynu.
Telekanał Discovery maje namier źniać cykł pieradač pra biełaruskuju pryrodu i, u pryvatnaści, Biełaviežskuju pušču, paviedamiła ministr infarmacyi Lilija Ananič.
Ananič vykazała pažadańnie, kab dystrybjutary teleprahram papularyzavali Biełaruś u suśvietnaj miedyjnaj prastory. Ci jość heta abaviazkovaj umovaj viaščańnia ŭ Biełarusi, nie udakładniajecca.
«Heta toj dobry padychod, kali zamiežny kanał nie tolki prynosić u krainu jakasny kantent, źbiraje svaju aŭdytoryju, ale i prapahanduje Biełaruś na ŭvieś śviet», — padkreśliła jana.
Raniej Biełaruś źjaŭlałasia na Discovery va «Urokach vyžyvańnia Reja Mirsa»:
Tym časam Discovery razam z National Geographic dy Animal Planet paśla zabarony viaščańnia 1 sakavika 2014 hoda viarnulisia tolki častkova. Tady było prypynienaje dziejańnie dazvołaŭ na viaščańnie, vydadzienych da pačatku hoda — kanały musili atrymać novy dazvoł, ale prosta źnikli z kabielnych sietak.
Siońnia pahladzieć Discovery, National Geographic i Animal Planet mohuć abanienty «Kosmas-TV», ale ŭ sietkach MTIS ci Zala kanały adsutničajuć.
Čytajcie taksama: TNT viarnułasia ŭ Biełaruś: płanujucca biełaruskija prahramy
