Jak budujecca «dom-NŁA» Apple
Realizacyju adnoha z apošnich prajektaŭ Styva Džobsa źniaŭ bieśpiłotnik.
Śviežaje videa MyithZ:
Budaŭnictva novaha kampusu Apple, taksama viadomaha jak «Spaceship Campus» i «Campus 2», pačałosia ŭ minułym hodzie, zhadvaje Macdigger.
Zhodna z prajektam, novy štab kampanii budzie mieć formu «talerki». U im buduć pracavać 13 tysiač čałaviek. Źniešni radyus pabudovy — 250 mietraŭ.
U skład kompleksu uvojduć nie tolki ofisy, ale i daśledčyja łabaratoryi, aŭdytoryum i fitnes-centr. Pavodle patrabavańniaŭ uładaŭ, Apple zachavaje na terytoryi stary ambar — pabudova maje histaryčnuju kaštoŭnaść. Vakoł budynka budzie raźbity park na 60 hiektaraŭ.
Fota: KQED News
Pieršapačatkova košt budaŭnictva «NŁA» zakładaŭsia ŭ rajonie 3 młrd dalaraŭ (adna ziamla kaštavała 160-300 młn dalaraŭ), ale ŭžo pieravysiŭ 5 młrd.
Zaviaršeńnie budaŭnictva zapłanavanaje na nastupny hod. Miarkujecca, što budynak budzie atrymlivać elektryčnaść vyklučna z adnaŭlalnych krynic.
Prajekt kampusa. Vyjava Apple
