Прэм'ер Латвіі: Паміж ЕС і Беларуссю з Расіяй павінна апусціцца жалезная заслона
Перш за ўсё гаворка ідзе аб забеспячэнні эканамічнай і энэргетычнай незалежнасці ад РФ
Эвіка Сіліня. Фота: Omar Havana / AP
Прэм'ер-міністар Латвіі Эвіка Сіліня заявіла, што Балтыйскія краіны імкнуцца да таго, каб паміж імі і Расіяй з Беларуссю апусцілася жалезная заслона. З такім сцвярджэннем яна выступіла на мерапрыемстве Атлантычнай рады ў Вашынгтоне, піша ТАСС.
«Мы разумеем, што ў будучыні паўстане жалезная заслона паміж Балтыйскімі дзяржавамі і Расіяй і Беларуссю», — адзначыла яна. Перш за ўсё гаворка ідзе аб забеспячэнні эканамічнай і энэргетычнай незалежнасці ад РФ, патлумачыла Сіліня.
У той жа час дасягнуць гэтай мэты «не так і проста», працягнула кіраўнік латвійскага Кабінета міністраў.
«Мы [Балтыйскія рэспублікі] усё яшчэ ў працэсе, гэта патрабуе часу», — дадала яна.
Чытайце таксама:
Гітанас Наўседа зноў выступіў за аднолькавыя абмежаванні для беларусаў і расейцаў
