Палітвязень Мікіта Емяльянаў зноў у карцары. На гэты раз — 30 сутак запар
Стала вядома, што палітзняволенага актывіста анархічнага руху Мікіту Емяльянава з 4 мая адміністрацыя магілёўскай турмы ўтрымлівае ў карцары. Сёння яго чарговы раз пакаралі «суткамі» ў карцары.
За тыдзень да чарговага спагнання ён выйшаў з карцара пасля 46 сутак запар. Мікіту караюць за адмову прыбіраць дворык падчас прагулкі, паведамляе «Вясна».
Са жніўня 2021 года Мікіту Емяльянава змяшчалі ў карцар або ШІЗА агулам на 233 сутак — гэта амаль сем месяцаў у нечалавечых умовах без пасцельнай бялізны і штодзённага шпацыру.
Цяпер хлопец чакае разгляду апеляцыйнай скаргі. Да 8 чэрвеня вы можаце падтрымаць яго грашовым пераводам і бандэролямі, бо пасля этапу ў калонію гэта змогуць рабіць толькі сваякі.
Падтрымайце палітвязня: Турма №4, 212011, г. Магілёў, вул. Крупскай, 99А
