Спецвыпуск «НН»: Беларуская Гародня
Выйшаў чарговы нумар тыднёвіка «Наша Ніва».
Спецнумар «Нашай Нівы» — шпацыр па беларускай Гародні, ад Фарштата да Новага Свету…
«Сапраўды ў гэтага горада шмат абліччаў. Тут побач існуюць польскі, расейскі, жыдоўскі, савецкі, нават «белорусский» Гродна. Аднак прапанову наведаць менавіта беларускую Гародню і цяпер пачуеш зрэдку. Тым часам, беларускасць у Гародні заўсёды была з’яваю натуральнай. Іншая справа, у чым яна праяўлялася і дзе яе шукаць? Гэтая прысутнасць занадта розная па сваіх знешніх праявах у кожную эпоху, каб умясціць гісторыю беларускай Гародні ў нейкія вузкія рамкі этнічных прыкметаў. Напрыклад, для XII ст. — гэта Каложа, а для XIII ст. — гэта «русіны», пра якіх узгадвае «Хроніка Дусбурга». У XIV ст. гэта маглі быць «ліцвіны», з гарнізона крэпасці, што перайшлі на бок Вітаўта…», — піша гісторык Андрэй Павач.
Больш за 10 газетных палос аздобленыя гістарычнымі выявамі, сучаснымі здымкамі Сяргея Гудзіліна, а таксама панарамнай картай Рубена Атаяна.
Гарадзенскія гісторыкі падрыхтавалі падрабязны маршрут па самых важных месцах горада.
* * *
Новы нумар можна набыць ў Мінску па абедзе, а ў рэгіёнах — з раніцы чацвярга.
Нагадаем: на «Нашу Ніву» цяпер можна лёгка і выгадна падпісацца. Прычым аплаціць падпіску можна і не ўстаючы з крэсла.
Пра ўмовы падпіскі чытайце тут. Даступная і анлайн-падпіска праз АРІП.