Kamu pieraškadžajuć prydarožnyja lesapałosy?
Praŭdapadobnaja meta ich vysiečki — pašyreńnie pasiaŭnych płoščaŭ. Ale jak ža biaśpieka i zdaroŭje?
Užo niekalki hod u Hrodzienskaj vobłaści praciahvajecca vyniščeńnie prydarožnych lesapałosaŭ. Pieršapačatkova hetaja źjava mieła łakalny charaktar, zaraz stanovicca ŭsio bolš masavaj.
Jakaja karyść ad lesapałosaŭ viedaje navat abyvaciel: jany achoŭvajuć darohu ad bakavoha vietru i śniežnych nanosaŭ, a taksama pieraškadžajuć traplać škodnym rečyvam z aŭtamabilnych vychłapaŭ na pali i, adpaviedna, va ŭradžaj z hetych paloŭ.Śpiecyjalisty zmohuć hety śpis dapoŭnić i paćvierdzić ličbami. Niaŭžo tyja, chto pisali na hetuju temu dysiertacyi, abhruntoŭvali patrebu lesapałos i stvarali adpaviednyja standarty ničoha nie razumieli?
A voś niejki čynoŭnik, jaki, mabyć, prosta machnuŭ z vakna mašyny «nia nraviacca mnie eci dziareŭja, davajcie łučše ziernavyja pasiejem».
Tema prydarožnych lesapałos źviazanaja sa šmatlikimi faktarami. Siarod jakich biaśpieka darožnaha ruchu, ekałohija, sielskaja haspadarka, charčovaja pramysłovaść…
Što cikava, aficyjnyja srodki masavaj infarmacyi hetuju temu nie zakranajuć.Byŭ tolki nievialički artykuł u hrodzienskaj rehijanalnaj haziecie «Pierśpiektiva», u jakim žurnalist Siarhiej Žurun daje nastupnuju kancoŭku: «V razhovorie udivił miestnoho žitiela soobŝienijem, čto u nas vdol doroh vyrubleny dierievja.
Ale prablema abmiarkoŭvajecca ŭ Internecie žycharami Hrodzienskaj vobłaści, šmat jakija ź ich niezadavolenyja dziejańniami miascovych uładaŭ.Pryčyny dla chvalavańnia jość: navat kali pryznali b vyniščeńnie lesapałosaŭ niapravilnym, na ich adnaŭleńnie spatrebicca šmat hadoŭ, pracy i hrošaŭ.
U Internecie raspaŭsiudžvańnie atrymlivaje viersija, što rašeńnie ab vyniščeńni lesapałos asabista prymaŭ staršynia Hrodzienskaha abłvykankama S. Šapira.Najbolš praŭdapadobnaj metaj takich dziejańniaŭ źjaŭlajecca pašyreńnie pasiaŭnych płoščaŭ. Tut varta źviarnuć uvahu na taki momant: prydarožnyja ziemli aficyjna ŭsie adno nie zaličvajucca ŭ płošču pola, i, zasiavajučy ich, možna pavialičyć aficyjna zadekłaravanuju uradžajnaść. A toje, što zusim nie hazony na miescy lesapałos robiać, — fakt… A vopyt adpaviednaści sielhaspradukcyi isnujučym normam i standartam my majem:
nichto ž nie budzie vyličvać kolkaść škodnych rečyvaŭ asobna z prydarožnaha ŭradžaju. Pradukcyja budzie z usiaho pola…
Taksama źjaŭlajecca infarmacyja, što vyniščeńnie lesapałos pačałosia ŭžo i ŭ inšych abłaściach. Pierajmajem pazityŭny dośvied?..
Chto b nie prymaŭ rašeńnie ab vyniščeńni prydarožnych lesapałos, uźnikaje ceły šerah pytańniaŭ. Ci ŭzvažanyja ŭsie plusy i minusy padobnaha rašeńnia? Ci sahłasavanyja hetyja dziejańni z usimi kampietentnymi słužbami, jakija pavinny adkazvać za biaśpieku na darohach, sielskuju haspadarku, ekałohiju i h. d.? Tut, pierš za ŭsio,
cikavymi byli b mierkavańni DAI i darožnaj słužby. Ciažka vierycca, što nie isnuje statystyki DTZ, jakija adbylisiaKali aficyjnaj matyvacyjaj źjaŭlajecca toje, što byvajuć avaryi z aŭtamabilami, jakija ŭjechali ŭ prydarožnyja drevy, chočacca źviarnuć uvahu, što takich avaryjaŭ značna mienš, čym skinutych bakavym vietram z darohi hruzavikoŭ. Tut navat niepatrebnaja aficyjnaja statystyka, dastatkova prosta prajechacca pa Biełarusi i paraŭnać, kolki ŭbačym mašyn, jakija ŭjechali ŭ drevy, i kolki — jakijaz-za bakavoha vietru i śniežnych nanosaŭ.
Zrešty, lesapałosy vysiakajucca i tam, dzie jany składalisia z kustoŭja i znachodzilisia na adlehłaści ad šašy.
Cikava, na jakim transparcie pieramiaščajecca čałaviek, jaki pryniaŭ takoje nieardynarnaje rašeńnie. Abo jon uvohule nie karystajecca darohami ahulnaha pryznačeńnia, kali nie adčuvaje na svaim abo słužbovym aŭtamabili moc bakavoha vietru i hłybiniu śniežnych nanosaŭ?..
Vielmi b chaciełasia pačuć hałasy tych, chto prymaŭ rašeńnie ab vyniščeńni prydarožnych lesapałos, a taksama tych, chto maŭkliva i pakorliva z hetym rašeńniem pahadžajecca i vykonvaje jaho.Majem ža ŭžo dośvied pavarotaŭ rek i biazdumnaj mielijaracyi… Taksama pra sielskahaspadarčuju pradukcyju pierad usim dumali…
