U Baranavičach aryštavali čornaha kapača Alaksieja Łopucha z «arsienałam zbroi». Pry čym tut apazicyja?
HUBAZiK zatrymaŭ žychara Baranavickaha rajona Alaksieja Łopucha. U jaho znajšli arsienał zbroi — bolš za 30 adzinak hranat, pistaletaŭ i kulamiotaŭ. Prapahandysty sprabujuć znajści ŭ spravie palityčny składnik. Jakim čynam?
U teleefiry Łopucha nazyvajuć «zbrojevym baronam». Jon pryznajecca, što spažyvaŭ narkotyki. Zmahajecca z zaležnaściu paŭtara hoda.
U siužecie ANT adznačajecca, što 10 hadoŭ tamu ŭ adnosinach Łopucha pravodziłasia pravierka, u jaho tady kanfiskavali niejkuju nacysckuju litaraturu, a taksama «simvoliku pratestavaj nakiravanaści». Suprać čaho u 2014-m pratestavaŭ u siabie doma Łopuch, niezrazumieła.
Nastupny arhumient — Łopuch pakidaŭ u internecie «niehatyŭnyja kamientary», a taksama instrukcyi pa vyrabie vybuchovaniebiaśpiečnych pradmietaŭ.
Narešcie, maci Alaksieja ŭdzielničała z pratestach 9 žniŭnia 2020 hoda ŭ Baranavičach i ŭ inšych niesankcyjanavanych akcyjach, a paśla dasyłała źniataje videa ŭ telehram-kanały.
Ciapier pravodzicca balistyčnaja ekśpiertyza znojdzienaj zbroi.
