U Viciebskaj vobłaści na vajskovyja zbory pryzvali pravasłaŭnaha śviatara
Jon adkazvaje za duchoŭna-maralnaje vychavańnie.
Fota: Minabarony
Śviatar chram «Nieŭpivalnaja Čaša» ŭ vioscy Baroŭka Lepielskaha rajona Uładzimir Kažanoŭski pryzvany ŭ vojska na zbory ŭ ramkach pravierki bajavoj hatoŭnaści.
Pravasłaŭny śviatar udzielničaje ŭ bajavym zładžvańni 19-j asobaj hvardziejskaj miechanizavanaj bryhady, paviedamlaje Minabarony.
Uładzimir Kažanoŭski zaniaŭ pasadu instruktara pa pracy ź vierujučym asabovym składam. Jon «pravodzić pracu pa duchoŭna-maralnym vychavańni» vajskoŭcaŭ, jakich pryzvali na zbory z zapasu.
Pasada instruktara pa pracy ź vierujučym asabovym składam źjaviłasia ŭ vojsku 1 listapada. Paviedamlałasia, što na hetuju pasadu buduć pryznačać śviataroŭ i inšych asob z duchoŭnaj adukacyjaj.
Čytajcie taksama:
Śviataram RPC zahadali štodnia čytać malitvy ab pieramozie ŭ vajnie
Ruski narodny sabor na čale z patryjarcham Kiryłam abviaściŭ vajnu z Ukrainaj «śviaščennaj»
Jak były chipi staŭ na čale manastyra. Historyja adyjoznaha śviatara Andreja Lemiašonka
Jak Śviata-Jelisaviecinski žanočy manastyr pieratvaryŭsia ŭ sapraŭdny biznes-chołdynh
