Na navahodnim bali Łukašenka pasadziŭ pobač z saboj aficera
Tradycyjny navahodni bal Łukašenki prajšoŭ 27 śniežnia ŭ Pałacy Niezaležnaści. Palityka na hetych mierapryjemstvach zvyčajna supravadžajuć maładyja dziaŭčaty. Hety raz nie staŭ vyklučeńniem. Chto ž jana?
Fota: BiełTA
Sioleta pobač z Łukašenkam siadzieła maładaja asoba, jakuju ŭžo zaŭvažali ŭ jaho kole — Uładlena Zajcava.
Fota: BiełTA
25-hadovaja dziaŭčyna — finalistka konkursu pryhažości «Mis Biełaruś — 2021».
Jana z Mahilova, skončyła mahistraturu Mahiloŭskaha dziaržaŭnaha ŭniviersiteta imia Arkadzia Kulašova. Pracavała inśpiektarkaj mytni.
Uładlena Zajcava padčas pracy na mytni. Fota: instahram Mahiloŭskaj mytni
Z Łukašenkam jana tancavała na respublikanskim bali ŭ 2021 hodzie. Sioleta Zajcava była ź im na bali vypusknikoŭ, jaki prajšoŭ na płoščy la Pałaca sportu, a taksama jeździła ź im na Kupalle ŭ Aleksandryju.
Uładlena Zajcava i Alaksandr Łukašenka na bali vypusknikoŭ u 2023-m. Skrynšot siužeta kanała ANT
Zajcava była i siarod udzielnikaŭ delehacyi ad Biełarusi na klimatyčnym samicie ŭ Dubai ŭ śniežni 2023-ha. Uładlena ŭ śpisie była paznačanaja jomistym słovam «aficer».
Jana, mierkavana, była siarod tych čatyroch čałaviek, chto stojačy apładziravaŭ pramovie Łukašenki.
Hrupa padtrymki Łukašenki, jakaja ŭstała paplaskać jamu paśla zakančeńnia vystupleńnia na klimatyčnym samicie ŭ Dubai ŭ śniežni 2023 hoda. Napieradzie — Dźmitryj Baskaŭ, u biełaj kašuli, mierkavana, Uładlena Zajcava. Skrynšot ź videa
Letaś na navahodnim bali z Łukašenkam tancavała inšaja ŭdzielnica «Mis Biełaruś» — Nastaśsia Kazyryckaja.
Deputatku Maryju Vasilevič na bali pastavili ŭ paru da staršyni CVK Ihara Karpienki.
Fota: BiełTA
Čytajcie taksama:
Na fiestyval u Aleksandryi Łukašenka pajechaŭ sa svajoj staroj znajomaj
Stała viadoma, z kim tancavaŭ Łukašenka na respublikanskim bali
