Prezidentka Jeŭrakamisii prapanavała vydzielić Ukrainie 50 miljardaŭ jeŭra
Jeŭrakamisija prapanuje vydzielić Ukrainie 50 miljardaŭ jeŭra finansavaj dapamohi ŭ vyhladzie hrantaŭ i kredytaŭ. Pra heta zajaviła prezidentka Jeŭrakamisii Ursuła fon der Lajen, paviedamlaje «Jeŭrapiejskaja praŭda».
Ursuła fon der Lajen. Fota: Geert Vanden Wijngaert / AP Photo
Finansavaja dapamoha raźličana na najbližejšyja čatyry hady.
«Hety finansavy rezierv dazvolić nam skarektavać našu finansavuju padtrymku ŭ adpaviednaści z raźvićciom situacyi na miescach», — skazała jana.
Pa słovach fon der Lajen, hetaja dapamoha zabiaśpiečyć pierśpiektyvu i pradkazalnaść dla ŭrada ŭ Kijevie, a taksama «budzie stymulavać inšych donaraŭ aktyvizavacca».
Pa danych ahienctva Bloomberg, prapanavany pakiet nakiravany na abjadnańnie dapamohi, jakaja vykarystoŭvajecca dla vypłaty zarabotnaj płaty, piensij i niekatorych dziaržaŭnych pasłuh, z vydatkami, źviazanymi z adnaŭleńniem asnoŭnaj infrastruktury.
Čytajcie taksama:
Bajden vystupiŭ suprać spraščeńnia patrabavańniaŭ dla ŭstupleńnia Ukrainy ŭ NATA
Modzi zajaviŭ, što Indyja nie niejtralnaja ŭ pytańni kanfliktu Maskvy i Kijeva
