Znajści
Ałharytmičny łacinski varyjant
22.05.2024 / 16:1717RusŁacBieł

Siłaviki z troch uschodnich abłaściej užo pamalilisia pierad kapsułaj ź ziamloj. Inšyja na čarzie

«Fłahštok» piša pra arhanizavanuju prapahandystami sumiesna z BPC relihijna-patryjatyčnuju akcyju pad nazvaj IV Usiebiełaruski chresny chod «Carkva i armija», jakuju zapuścili 8 maja ŭ Homieli. Jana ciapier prachodzić na terytoryi Homielskaj, Viciebskaj i Mahiloŭskaj abłaściej i pry jaje praviadzieńni zaŭvažajucca jaŭnyja dzivactvy.

Siłaviki i śviatary molacca nad kapsułaj ź ziamloj. Fota: Homielskaja jeparchija

Farmalna akcyja pravodzicca z metaj «uviekaviečyć pamiać i aśviacić duchoŭny podźvih savieckaha naroda ŭ spravie Vialikaj Pieramohi».

Chresny chod u carkoŭnaj tradycyi praduhledžvaje šeście z adnaho chrama ŭ inšy abo da jakoha-niebudź pryznačanaha miesca — heta značyć u vypadku z «Usiebiełaruskim» chodam pracesija pavinna była b iści pa ŭsioj Biełarusi, pa čarzie naviedvajučy nasielenyja punkty.

Adnak, jak zaŭvažaje «Fłahštok», praanalizavaŭšy rehijanalnuju presu, u hetym vypadku armiejski chresny chod «cudoŭnym čynam» razmnožyŭsia i adnačasova pabyvaŭ u niekalkich haradach troch abłaściej Biełarusi: Homielskaj, Mahiloŭskaj i Viciebskaj.

Tak, 18 maja, pavodle paviedamleńnia Homielskaj jeparchii, IV Usiebiełaruski chresny chod «Carkva i armija» prybyŭ u Žłobin, i ŭ toj ža dzień hazieta Viciebskaha abłvykankama paviedamlaje, što toje ž samaje mierapryjemstva prajšło i ŭ ich. U toj ža dzień akcyja pad anałahičnaj nazvaj, pavodle paviedamleńnia miascovaj rajonki, «prajšła pa Kalinkavickaj ziamli», a mahiloŭskaja abłasnaja hazieta dakładvaje, što adnačasova jana była i ŭ Škłovie. 21 maja chresny chod adnačasova byŭ u Viciebsku i Babrujsku.

Jašče adnym adstupleńniem ad carkoŭnaha vučeńnia stała toje, što padčas «Usiebiełaruskaha chresnaha chodu» śviatary nosiać nie chryścijanskija relikvii, a kapsuły ź ziamloj, molačysia nad imi. Śćviardžajecca, što ziamla sabranaja z vajskovych pachavańniaŭ — ale navat kali heta i tak, to naŭrad ci hetaja ziamla moža być pradmietam kultu dla chryścijanskich viernikaŭ.

Pry hetym amal usie rajonki paviedamlajuć pra padzieju z cytataj pasłańnia mitrapalita Vienijamina pra toje, što «chresny chod, kažučy armiejskaj movaj, — heta vajskovy marš-kidok pa ŭsich abłaściach Biełarusi».

Čytajcie taksama:

Kiraŭnik BPC Vienijamin adšukaŭ padabienstva pamiž Novym Zapavietam i Kanstytucyjaj

Mitrapalit Vienijamin panarakaŭ, što dzieci znachodziać prykłady dla pierajmańnia ŭ tyktoku

Łukašenka — kiraŭnictvu BPC: My pamiatajem, jak u 2020 hodzie niekatoryja śviatary zanialisia, miakka kažučy, palitykaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
30
Ха-ха
16
Ого
4
Сумна
2
Абуральна
6
1
fizika-chimija-matiematika/adkazać/
22.05.2024
Ryhor, viera v vieru - eto nie naša viera. Niet vłasti rielihioznych žriecov v Biełarusi! 
0
treš/adkazać/
22.05.2024
vavanpicierski, kakije mohut byť somnienija?  Dostatočno na ćvieta etich łampadok hlanuť ) 
1
my Biełarusy : Unijaty /adkazać/
22.05.2024
dziakuj Bohu my Biełarusy : Unijaty , Kataliki - Kielvienisty  - Luteranie . I da siekty Maskoŭskaj Kodły stalinistaŭ nie jakoha dačynieńnia nie majem , + jany nie majuć prava znachodzicca ŭ Biełarusi, parušajuć Kananičnyja Miežy dziaržavy našaj 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930