Znajści
Ałharytmičny łacinski varyjant
22.05.2024 / 19:4116RusŁacBieł

Viadomyja spartsmieny vykazali publičny niedavier kiraŭniku BFSS Apiejkinu

Viadomyja pradstaŭniki biełaruskaha sportu, siarod jakich Alaksandra Hierasimienia, Alena Leŭčanka, Aleh Dułub, Volha Mazuronak i mnohija inšyja, vydali zajavu, u jakoj vykazali votum niedavieru Biełaruskamu fondu spartyŭnaj salidarnaści i jahonamu ciapierašniamu kiraŭniku Alaksandru Apiejkinu.

Alaksandr Apiejkin. Skryn ź videa telekanała «Biełsat»

Padpisanty zajavy, nazyvajučy siabie «pradstaŭnikami svabodnaha sportu Biełarusi», nahadaŭšy, što ŭ 2020 hodzie jany adkryta vystupili suprać falsifikacyi vynikaŭ prezidenckich vybaraŭ dy nastupnaha ŭładnaha hvałtu nad biełarusami, za što asabista paciarpieli, kanstatujuć, što

«siońnia na mižnarodnaj arenie nas sprabujuć pradstaŭlać ludzi, jakija nie majuć abo stracili takoje prava».

Svajoj zajavaj padpisany vykazvajuć votum niedavieru vykanaŭčamu dyrektaru Biełaruskaha fondu spartyŭnaj salidarnaści (BSSF) Alaksandru Apiejkinu. Pryčynami jaho nazyvajucca nastupnyja:

  • nienaležnaje vykanańnie ŭziatych na siabie abaviazkaŭ pierad spartsmienami;

  • raspaŭsiud paklopu i pravakacyj u dačynieńni da našych kalehaŭ, a taksama raspaŭsiud iłžyvych vykazvańniaŭ i manipulacyj u supolnaściach i hrupach;

  • nievykanańnie daŭhavych abaviazkaŭ, adsutnaść prazrystaj finansavaj spravazdačnaści ŭ dziejnaści na pasadzie vykanaŭčaha dyrektara Biełaruskaha fondu spartyŭnaj salidarnaści;

  • prysvajeńnie ŭ jakaści asabistych zasłuh ahulnych dasiahnieńniaŭ, nie ŭličvajučy ŭkład kalektyvu i nie aceńvajučy ŭdzielnikaŭ, jakija pracavali nad asnoŭnymi prajektami, što pryviało da sychodu śpiecyjalistaŭ i pieraŭtvareńnia raniej mahutnaj struktury Biełaruskaha fondu spartyŭnaj salidarnaści ŭ nieefiektyŭnuju arhanizacyju, jakaja žyvie na dasiahnieńniach byłych členaŭ kamandy i padtrymki spartsmienaŭ;

  • pryniaćcie adnaasobnaha rašeńnia ab suviazi spartyŭnaj arhanizacyi z vajskovym padraździaleńniem, što pryviało da supraćpraŭnaha palityčna matyvavanaha pieraśledu biełaruskich spartsmienaŭ, jakija znachodziacca ŭ krainie;

  • papulisckija intervju, zajavy i publikacyi ŭ sacyjalnych sietkach, jakija źmiaščajuć rytoryku, jakaja padtrymlivaje złačynny režym Łukašenki, padryvaje ŭvieś demakratyčny ruch spartsmienaŭ.

Adpaviedna z hetym, na dumku ludziej, jakija padpisali zvarot, ni Alaksandr Apiejkin, ni Biełaruski fond spartyŭnaj salidarnaści (BSSF) nie ŭpaŭnavažanyja pradstaŭlać intaresy pradstaŭnikoŭ biełaruskaj volnaj spartyŭnaj supolnaści.

Pad votumam niedavieru padpisalisia nastupnyja dziejačy biełaruskaha sportu: Andrej Hniot, Śviatłana Kudzielič, Volha Safronava, Siamion Bukin, Jaŭhien Viaroŭka, Ivan Hanin, Aleh Dułub, Jaŭhien Curkin, Ściapan Papoŭ, Alena Leŭčanka, Vadzim Kryvašejeŭ, Siarhiej Skiba, Alaksandra Hierasimienia, Artur Udrys, Volha Mazuronak, Pavieł Šurmiej, Raman Adamovič, Alaksandr Vachaviak, Siarhiej Dalidovič, Kaciaryna Šarkova, Śviatasłaŭ Kisialoŭ, Mikita Rašetnik, Ihar Žavaranak, Pavieł Siciankoŭ, Siarhiej Šabanaŭ, Siarhiej Pryžankoŭ, Mikałaj Šklar, Alaksandr Bukrej, Andrej Huńko, Vasil Vajciachovič, Mikałaj Hančaroŭ, Stanisłaŭ Kaminski, Vitor Rusin, Juryj Martynaŭ, Vital Anichimoŭski, Vasil Savič, Ihar Harbacienka, Andrej Karboŭski.

Biełaruski fond spartyŭnaj salidarnaści byŭ stvorany ŭ žniŭni 2020 hoda, padčas pratestaŭ u Biełarusi. Jon maje akazvać finansavuju, psichałahičnuju, arhanizacyjnuju dy inšuju dapamohu paciarpiełym ad režymu, a taksama ŭzajemadziejničać ź mižnarodnymi arhanizacyjami pa roznych vidach sportu. Pieršaj jaho kiraŭnicaj była płyŭčycha Alaksandra Hierasimienia, adnak u krasaviku 2022 hoda jana pryniała rašeńnie pakinuć hetuju pasadu.

Čytajcie taksama:

Alaksandr Apiejkin praanansavaŭ strym z udziełam Nadziei Astapčuk

Fond spartovaj salidarnaści choča łabiravać źniaćcie sankcyj ź dziciača-junackaha sportu. Heta vyklikała sprečku

Ci pavinny dzieci čynoŭnikaŭ adkazvać za baćkoŭ?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
23
Панылы сорам
11
Ха-ха
1
Ого
8
Сумна
8
Абуральна
4
0
Jan Norman/adkazać/
23.05.2024
Hety hrantasos užo sprabuje puścić karani u ZŠA praz stvareńnie ahulnaj struktury z amierykanskaj jurydyčnaj firmaj (nada dumać-biełaruskaha pachodžańnia).Niedzie pablizu paśvicca jašče adzin "zmahar ź niezaležnaściu"-niechta Bury,iaho žonka i jaho syn (u kožnaha pa ułasnaj "diemokratičieskoj iniciativie").I takich "iniciativ"-dziesiatki pa śvietu.Chto i kali spynić hetuju dyskredytacyju pratestnaha ruchu?
0
Džiek Błek/adkazać/
23.05.2024
Rajmond, Každyj takoj "fond" dołžien viernuťsia v Biełaruś tolko čieriez audit i,ieśli ponadobitsia,čieriez śledstvije.Kohda eto proizojdiot?Nie znaju.
0
Biełarus/adkazać/
23.05.2024
Jan Norman, sychodźcie ad rasiejskamoŭnych, treba adabrać u ich prava vystupać ad imia biełarusaŭ, niachaj sami zarablajuć
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930