Znajści
Ałharytmičny łacinski varyjant
22.05.2024 / 17:587RusŁacBieł

Dno Kachoŭskaha vadaschovišča za hod pieratvaryłasia ŭ sapraŭdny vierbavy haj

Ekołah Vadzim Maniuk u intervju vydańniu «Suśpilnie Dnipro» havoryć, što «takoj źjavy na płaniecie bolš nidzie nie isnuje». Jon ździŭleny, bo čakaŭ, što na miescy vadaschovišča ŭźniknie šmat nievialikich vadajomaŭ. Ale kali jany tam i jość, to vierby ich schavali.

Raślinnaść na miescy Kachoŭskaha vadaschovišča. Fota: Suśpilnie. Dnipro

Za amal hod paśla padryvu rasijskimi vojskami Kachoŭskaj HES na 150 tysiačach hiektaraŭ štučna stvoranaha vadajoma ŭtvaryŭsia husty les. Fłora, pavodle słoŭ Vadzima Maniuka, tut raznastajnaja: vialikuju terytoryju zajmaje viarba vyšynioj 2,5—3 mietry, vadzianoje ščaŭje i zachodni karkas.

«Absalutna čakana było, što mienavita viarba zojmie takija pazicyi ŭ płaŭniach. Heta značyć jana zaŭsiody pa rekach, pa račnych dalinach, uzdoŭž vadajomaŭ pieršaj raśsialajecca na piasčanych vodmielach, na kosach. Adpaviedna dno Kachoŭskaha mora ŭ pieršy hod paśla razbureńnia płaciny stała vielizarnaj takoj piasčanaj kasoj. Heta prosta idealnyja ŭmovy dla prarastańnia viarby. Uražvaje toje, kolki nasieńnia, bo za adzin siezon faktyčna źniadkul chapiła, kab zasiejać uvieś vialiki łuh. Amal 150 tysiač hiektaraŭ pryrodnych nasadžeńniaŭ utvaryłasia», — havoryć Vadzim Maniuk.

Na bierazie byłoha Kachoŭskaha vadaschovišča. Fota: Suśpilnie. Dnipro

Pavodle jahonych słoŭ, kali hladzieć na les u cełym, to jon adnarosły — u siarednim 2,5—3,5 mietra ŭ vyšyniu. Novamu nasieńniu, kaža ekołah, na hetaj miascovaści ŭžo niama šancu praraści, tamu što niama pratočnaj vady. Tamu ciapier drevy pamiž saboj buduć kankuravać, a z časam pačniecca naturalny praces samarazredžvańnia: na 10 mietraŭ zastaniecca adno dreva.

Što tyčycca inšych raślin, to ekołah adznačaje, što jany taksama buduć pastupova źnikać.

«Ščaŭje vadzianoje — typovy taki płaŭnievy vid, jamu patrebnaja vada. Jon ciapier jaje ciahnie z raskolin u hłybini, ale kali dalej ničoha nie budzie mianiacca, to tut budzie suša, i hetyja vidy pastupova buduć źnikać», — kaža jon.

Treščyna na dnie byłoha Kachoŭskaha vadaschovišča. Fota: Suśpilnie. Dnipro

Treščyny, jakija ŭtvarylisia na dnie Kachoŭskaha vadaschovišča, raskazvaje Vadzim Maniuk, taksama vykonvajuć ekałahičnuju funkcyju, ź ich taksama prarastajuć raśliny.

«Karkas zachodni prarastaje zboku, sa ščylin, jakija ŭtvarylisia pry treskańni hleju. Kali b tut była sucelnaja hleba, biez raskolin, u hetaha nasieńnia nie było b šancaŭ praraści. U hetych treščynach jakraz budzie samy bahaty hrunt z-za taho, što ŭ jaho ŭsio budzie ściakacca. Dla nas heta treščyna, a dla ekasistemy heta niešta nieabchodnaje. Toje, što stvaraje dadatkovuju bijaraznastajnaść», — kaža ekołah.

Kachoŭskaje vadaschovišča apuścieła paśla padryvu damby Kachoŭskaj HES rasijskimi vajskoŭcami ŭ červieni minułaha hoda.

Čytajcie taksama:

Kachoŭskaje vadaschovišča bolš nie isnuje, na jaho miescy zastalisia «łužyny»

Kala Zaparožža ŭ abmialełaj paśla padryvu Kachoŭskaj HES zonie Dniapra znajšli staražytny dubovy čovien

Kachoŭskaje vadaschovišča pieratvaryłasia ŭ pustyniu FOTAFAKT

Uzarvanaja Kachoŭskaja HES: apublikavany novyja spadarožnikavyja zdymki

«Haniebnaja abyjakavaść». Zialenski asudziŭ reakcyju śvietu na razbureńnie Kachoŭskaj HES

U vyniku źniščeńnia Kachoŭskaj HES zahinuli jak minimum vosiem čałaviek

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
32
Панылы сорам
10
Ха-ха
2
Ого
16
Сумна
27
Абуральна
34
2
Andruś/adkazać/
22.05.2024
Udakładniu, što heta kamientar pad rasijskaju viersijaj artykuła na NN. Pabačyŭ ranicaj takuju navinu na rasijskich TH-kanałach, jakija aśviatiajuć naviny Ukrainy, a potym u NN. Dumaju, a ci ž zdahaajucca redaktary rasijskaj viersii NN, što viarba - heta pa-rusku i na sučasnych movach, jakija vyjšli z ruskaje. A pa-rasijsku hety rod raślinaŭ zaviecca "iva". Admysłova zajšoŭ na rasijskuju moŭnuju viersiju NN (choć jana za rasijska-savieckimi naratyvami pra adzin narod i schavana pad abrevijaturaju "rus" - nibyta "ruskaja"). Ale ž nie - nie zdahałalisia, nie spraŭdzili ŭ adpaviednych bataničnych i dendrałahičnych krynicach. Pišuć u rasijskim varyjancie biełaruskuju ci ŭkrainskuju nazvu, jakuju pramaŭlaje ŭkrainski navukoŭca ŭkrainskaju movaju. I navat na maje paviedamleńni ab pamyłcy ŭ tekście nul reakcyjaŭ. Atrymlivajecca, rasijski varyjant artykuła napisany trasiankaju, albo pavodle formuły "chto kak chacit..." 
1
Maksim Dizajnier/adkazać/
23.05.2024
Andruś

Otciepiś ty so svojej movaju. Tu vierbu, na kotoroj rastut kłaśsičieskije kotiki voobŝie voźle vody nie vstrietiť. U etoj ivy jesť tuča raznovidnostiej. A tut pod odnu vierbu vsie ostalnyje ivy v kuču shriebli.
0
dočka Maksima Dizajniera/adkazać/
23.05.2024
a moj kamientar nakont taho, što treba batanik, kab razabracca - "iva" to ci "vierba", nie źmiaścili... :/ ale batanik źjaviŭsia ŭsio ž...) sapraŭdy - "iva" lubić vadu, a "vierba" u zasušlivych miescach raścioć

mały staviŭ letam halinki "ivy" u vadu, i jany chutka puskali šmat-šmat karanioŭ i dobra ŭsie pryžylisia ŭ hlebie potym
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930