Unačy byli biesprecedentnyja ataki ŭkrainskaj stalicy — ułady Kijeva
Unačy była sieryja biesprecedentnych pa svajoj mocy, intensiŭnaści i raznastajnaści pavietranych napadaŭ na Kijeŭ, paviedamiŭ kiraŭnik Kijeŭskaj haradskoj vajennaj administracyi Siarhiej Papko. Heta ŭžo dziaviaty z pačatku maja abstreł ukrainskaj stalicy, piša Bi-bi-si.
Hetym razam ataka, pa źviestkach Papko, była ažyćcioŭlenaja sa stratehičnych bambardziroŭščykaŭ Tu-95MS, Tu-160 z rajona Kaśpija, jak miarkujecca — kryłatymi rakietami typu Ch-101/555.
Paśla zapusku rakiet nad Kijevam źjavilisia rasijskija raźviedvalnyja bieśpiłotniki.
Jak śćviardžaje Papko, pavodle papiaredniaj infarmacyi, usie varožyja celi ŭ pavietranaj prastory Kijeva byli vyjaŭlenyja i źniščanyja.
Papiarednie zafiksavanaje padzieńnie abłomkaŭ u Dziaśnianskim i Darnickim rajonach stalicy. Samyja vialikija paškodžańni zafiksavanyja ŭ Darnickim rajonie — tam było ŭzharańnie na terytoryi haražnaha kaapieratyva. Pažar likvidavany.
U astatnich rajonach mohuć być padzieńnia abłomkaŭ na pryparkavanyja aŭtamabili, prydamavyja terytoryi abo lesaparkavuju zonu. Infarmacyja ab paciarpiełych pakul nie pastupała, piša Siarhiej Papko.
U vyniku ŭdaru pa Adesie zahinuŭ adzin čałaviek.
A voś rasijcy mruć i sapraŭdy "Radi čjich-to ambicij durnych i intrih".
https://nashaniva.com/316998