Pucin pasprabavaŭ zhurtavać lidaraŭ SND, ale nie pamianiaŭ rytoryku — ISW
Rasijski prezident Uładzimir Pucin pasprabavaŭ vykarystać śviatkavańnie Dnia Pieramohi dla zhurtavańnia partnioraŭ pa SND, mnohija ź jakich imknulisia pamienšyć svaju zaležnaść ad Kramla ź lutaha 2022 hoda, piša Instytut vyvučeńnia vajny (ISW) u čarhovaj zvodcy.
Uładzimir Pucin vystupaje na vajennym paradzie ŭ Maskvie 9 maja 2023 h. Fota: Gavriil Grigorov / AP
Sioleta na parad pryjechali lidary Armienii, Biełarusi, Kazachstana, Kyrhyzstana, Tadžykistana, Turkmienistana i Uźbiekistana. Pucin padkreśliŭ važnaść ich udziełu ŭ hetym mierapryjemstvie i paŭtaryŭ šabłonnuju rytoryku Kramla ab tym, što Rasija imkniecca da šmatpalarnaha suśvietnaha paradku.
U svaim vystupie na paradzie Pucin taksama paŭtaryŭ isnyja naratyvy ab padrychtoŭcy da zaciažnoj vajny i znoŭ pakazaŭ Rasiju jak krainu, jakaja paśpiachova supraćstaić Zachadu.
U adroźnieńnie ad lidaraŭ SND, inšyja niezachodnija dziaržavy adkinuli sproby Kramla stvaryć antyzachodniuju kaalicyju, u pieršuju čarhu heta tyčycca Kitaja, jaki ŭsio bolš addalajecca ad Rasii, pišuć ekśpierty.
ISW raniej aceńvaŭ, što dehradacyja rasijskaj vajskovaj mocy va Ukrainie, imavierna, zrabiła hetyja namahańni jašče mienš pryvabnymi dla inšych dziaržaŭ, a kolkaść i skład vajskovaj techniki na ŭčarašnim paradzie tolki paćvierdzili tezis ab dehradacyi rasijskich Uzbrojenych sił.
