Znajści
Ałharytmičny łacinski varyjant
19.05.2024 / 13:523RusŁacBieł

Dystancyjščyk płacić 6500 rubloŭ padatkaŭ u Biełarusi, ale ŭsio roŭna staŭ «darmajedam». Jak tak?

Vinavatyja niadaŭnija papraŭki ŭ zakanadaŭstva.

Ilustracyjnaje fota «Naša Niva»

Čałaviek dystancyjna pracuje na jurydyčnuju asobu ŭ RF ź nievialikaha biełaruskaha horada. Dva miesiacy tamu z kamunalnaj płaciožki jon daviedaŭsia, što akazaŭsia ŭ śpisie darmajedaŭ, piša Devby.io.

Jon nie IT-śpiecyjalist, a mietadyst anłajn-adukacyi, adnak heta ŭsio roŭna: historyja moža stać typovaj i dla ajcišnikaŭ.

Jon pracuje pa damovie hramadzianska-pravavoha charaktaru (HPCH) na dystancyjcy ŭ rasijskaj arhanizacyi, zarobak aficyjna atrymlivaje na bankaŭskuju kartu. Raz na hod zapaŭniaje padatkovuju dekłaracyju i płacić 13% padachodnaha padatku ŭ Biełarusi. Tak, za apošni hod vyjšła kala 6500 BYN. Tym nie mienš dva miesiacy tamu jon akazaŭsia ŭ śpisie niezaniatych u ekanomicy.

U kamisii pa sadziejničańni zaniataści patłumačyli: heta tamu, što «HPCH nie źjaŭlajecca kantraktam abo pracoŭnaj damovaj».

—U pačatku hoda maja damova z vypiskaj ab zarobku ŭsich zadavalniała, a ciapier jana ŭžo nie padychodzić, — skardzicca čytač. — Jany navat nie zachacieli zazirać u tyja dakumienty, što ja prynios. Načalnik adździeła (abo hetaj kamisii) naohuł skazała, što im biez roźnicy, kudy płaciacca padatki.

Niama kantraktu abo pracoŭnaj damovy — značyć, darmajed. Ale kantrakt sa mnoj mohuć zaklučyć tolki, kali ja budu žyć u RF.

U inśpiekcyi pa padatkach i zborach čytaču taksama ničym nie dapamahli.

— Tam adkazali, što mohuć tolki vydać daviedku ab vypłačanych padatkach, a čamu ja staŭ darmajedam, jany i sami nie viedajuć.

Atrymlivajecca, hramadzianin Biełarusi žyvie ŭ Biełarusi, pracuje i płacić dźvie tysiačy dalaraŭ pa kursie ŭ biudžet Biełarusi, ale pry hetym źjaŭlajecca… darmajedam.

Čałaviek u abłvykankamie inkohnita paraiŭ fiktyŭna ŭładkavacca na pracu. Ale heta ž marazm! Što rabić?

Chłopcu paraili źviarnucca ŭ kamisiju nie vusna, a piśmova, prykłaŭšy daviedku ab vypłačanych padatkach, ale nie fakt, što heta dapamoža. Reč u tym, što z 1 lutaha 2024 ustupiła ŭ siłu vialikaja častka pałažeńniaŭ pastanovy Saŭmina № 53, jakaja jašče bolš uzmacniła kryteryi adniasieńnia hramadzian da niezaniatych u ekanomicy. Tak, da ludziej, jakija pracujuć na terytoryi krain JEAES ciapier adnosiać tolki tych, z kim zaklučanaja pracoŭnaja damova (kantrakt). Da hetaha času było dastatkova damovy HPCH — pry ŭmovie, što pa joj vypłačvajecca dachod.

Vierahodna, sens byŭ u tym, kab adsiejać sa śpisu zaniatych tych, chto znachodzicca za miažoj na «volnym chlebie». Adnak ža trapili i tyja, chto nie tolki žyvie i pracuje ŭ krainie, ale i sumlenna płacić tut padatki.

Kaho jašče mohuć zakranuć papraŭki?

Ajcišnikaŭ, jakija pracujuć na RF i inšyja krainy JEAES pa damovie HPCH. Takich niamała. Adnak dla ich, zdajecca, pakul jość vyjście — pierachodzić na padatak na prafiesijny dachod (PPD). Padatkaviki nie raz tłumačyli, što artykuł 7 «ab pracy praź Internet» (Zakona RB ad 30.12.2022 № 230-Z» ab źmienie zakonaŭ pa pytańniach padatkaabkładańnia») prydumany jak raz dla ich. Što rabić tym dystancyjščykam, čyja dziejnaść nie padpadaje pad PPD, niezrazumieła.

Čytajcie taksama:

BDUIR nabiare bolš metavikoŭ. Ajcišnikaŭ zabiaruć siłaviki, vajenpram, «Kamunarka»

Na što traciać hrošy biełaruskija ajcišnicy i ci ličać siabie zajzdrosnymi niaviestami

«Kraina hublaje ludziej z vysokimi dachodami». Što adbyvajecca ŭ biełaruskaj ajcišcy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
7
Ха-ха
11
Ого
1
Сумна
3
Абуральна
17
3
Džordž/adkazać/
19.05.2024
Jon jašče i padatki ŭ Biełarusi płaciŭ? Navošta. Niachaj "pierajaždžaje" ŭ Rasieju. Choć rasiejskuju piensiju zarobić
0
Nu durań, nie?!/adkazać/
19.05.2024
Džordž, jakaja rasiejskaja piensija, usie hrošy pojduć na vypłaty reparacyj. Da taho ž čałaviek nie durny, kab jaho jašče zabrali tam u vojska i kinuli jak miasa pad chajmarsy
0
Kryvasmoki nikoli nie natolacca/adkazać/
19.05.2024
Nu durań, nie?!, tak a na chaleru ŭvohule hetym kałdyram niejkija padatki płacić, kali jany ŭsio adno nie prymajuć ich jak "udzieł u ekanomicy" i jašče na kamunałcy nažyvajucca?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera