Znajści
Ałharytmičny łacinski varyjant
19.05.2024 / 11:122RusŁacBieł

Pryvatnaja stamatałohija, jakoj Minzdaroŭja prypyniała licenziju, adnaviła pracu

U instahramie pryvatnaj stamatałohii «Apriel» źjaviłasia paviedamleńnie, što klinika znoŭ pačynaje prymać klijentaŭ. Raniej «Našaj Nivie» stała viadoma, što Minzdaroŭja prypyniła dziejnaść jaje licenzii.

Stamatałohija «Apriel». Fota: «Jandeks Karty»

Pryvatnaja klinika «Apriel» akazvaje kompleksnaje stamatałahičnaje lačeńnie. Znachodzicca jana ŭ vioscy Karaloŭ Stan (9 kiłamietraŭ ad Minska ŭ napramku Nacyjanalnaha aeraporta). Pobač z klinikaj jość jaje mini-hatel, u jakim mohuć spynicca jak klijenty, tak i zvyčajnyja padarožniki. Darečy, hatel pracavaŭ amal paŭtara miesiacy ŭ štatnym režymie.

Nahadajem: naprykancy sakavika na sajcie i ŭ sacyjalnych sietkach stamatałohii raptoŭna źjaviłasia paviedamleńnie, što z 1 krasavika klinika časova prypyniaje pryjom pacyjentaŭ. Klijentam prapanavali pierazapisacca na maj, ale biez harantyi.

Skrynšot instahramu aprilmed.by

Jak vyśvietliła «Naša Niva», sprava była ŭ tym, što Ministerstva achovy zdaroŭja prypyniła licenziju «Apriel-klinik». Ale aficyjnaj infarmacyi pra heta nie źjaviłasia ni na sajcie ministerstva, ni ŭ jaho telehram-kanale. Pra toje, što klinicy dazvolili znoŭ pracavać, ministerstva taksama čamuści vyrašyła nie paviedamlać.

Mahčyma, heta źviazana z tym, što raniej padobnyja naviny vyklikali burnuju niehatyŭnuju reakcyju hramadstva. Naprykład, kali ŭ mai 2022 hoda Ministerstva achovy zdaroŭja prypyniła dziejnaść dźviuch miedycynskich kampanij — «Kliniki A1» i «Łade», navina atrymała taki rezanans, što kamientavać jaje pryjšłosia tahačasnahamu ministru Dźmitryju Pinieviču. Pavodle jaho słoŭ, ničoha ekstraardynarnaha nie adbyvałasia — z padobnymi ciažkaściami z pačatku 2022 hoda sutyknulisia 20 biełaruskich kampanij. Na vypraŭleńnie niedachopaŭ im dali termin da 6 miesiacaŭ.

U «Łade» tady atrymałasia adnavić dziejnaść u rekordnyja terminy — praź miesiac. Dla A1 situacyja skłałasia horšym čynam: niahledziačy na toje, što aficyjna ab zakryćci kliniki nie paviedamlałasia, ciapier sajt miedcentra niedastupny, a jaho sacyjalnyja sietki pierastali abnaŭlacca ŭ 2022 hodzie.

Čytajcie taksama:

Pryvatnaja stamatałohija raptoŭna paviedamiła, što z 1 krasavika prypyniaje pryjom klijentaŭ

«Jak možna źmienšyć košt pasłuhi adrazu na 40 pracentaŭ?» Stamatołahi pra namiery Minzdaroŭja abmiežavać ceny

Na miažy z Polščaj pastavili rekłamnyja płakaty — palakaŭ chočuć zavabić u Biełaruś tannaj stamatałohijaj FOTY

«Zrabiła zuby za vašy padatki». 26-hadovaja šmatdzietnaja maci patraciła maciarynski kapitał na stamatołaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
1
Ха-ха
0
Ого
0
Сумна
0
Абуральна
0
0
Da už/adkazać/
19.05.2024
Kstati, očień chorošaja klinika. I cieńnik adiekvatnyj
0
Jaś/adkazać/
19.05.2024
Oj oni kłassnyje. Rvał kak-to u nich svoi vośmiorki
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930