Znajści
Ałharytmičny łacinski varyjant
19.05.2024 / 14:292RusŁacBieł

Prezident Hruzii zaklikała Makrona pryjechać u Tbilisi na fonie pratestaŭ

Sałame Zurabišvili taksama zajaviła pra svajo imknieńnie «pazbavić Kaŭkaz ad savieckaha pryhniotu» i ŭpłyvu RF.

Sałame Zurabišvili, Fota: Irakli Gedenidze/Pool Photo via AP

Prezident Hruzii Sałame Zurabišvili zaklikała francuzskaha kalehu Emaniuela Makrona ździejśnić vizit u Tbilisi da pačatku vybarčaj kampanii pierad parłamienckimi vybarami, jakija projduć u krainie hetaj vosieńniu, piša TASS.

«Niachaj jany pryjeduć siudy!» — skazała Zurabišvili ŭ intervju haziecie La Tribune de Dimanche, adkazvajučy na pytańnie žurnalista pra toje, čaho jana čakaje ad jeŭrapiejskich lidaraŭ na fonie abmierkavańnia ŭ parłamiencie zakona ab zamiežnych ahientach i pratestaŭ suprać jaho pryniaćcia.

«Emaniuel Makron abiacaŭ mnie praktyčna z momantu majho abrańnia ŭ 2018 hodzie, što jon pryjedzie. Jon pavinien zrabić heta da pačatku vybarčaj kampanii ŭ vieraśni. Ja napisała prezidentu Makronu i čakaju jaho ŭ Dzień niezaležnaści Hruzii, 26 maja, — dadała jana.

Sama Zurabišvili ŭ vieraśni 2023 hoda ŭ ramkach jeŭrapiejskaha turne ździejśniła ŭ tym liku i vizit u Paryž, dzie sustrakałasia z Makronam. Paźniej stała viadoma, što ŭrad Hruzii nie davaŭ joj na heta zhody, z-za čaho kirujučaja partyja «Hruzinskaja mara — Demakratyčnaja Hruzija» abvinavaciła prezidenta ŭ parušeńni Kanstytucyi i zapuściła praceduru impičmientu, jaki nie ŭdałosia ažyćciavić z-za niedastatkovaj kolkaści mandataŭ u parłamiencie ŭ kirujučaj partyi dla adchileńnia prezidenta.

Prezident vykazała mierkavańnie, što «nichto nie choča kanfrantacyi z Rasijaj», adnačasova zajaviŭšy ab svaim imknieńni» pazbavić Kaŭkaz ad cavieckaha pryhniotu i ŭpłyvu RF.

«Heta vielmi važna dla budučyni Jeŭropy, uklučajučy jaje biaśpieku. Heta Čornaje mora, tranzitnaja zona dla enierhii i kamunikacyj. Toje, što Francyja tut nie prysutničaje, źjaŭlajecca adchileńniem», — śćviardžała jana.

Čytajcie taksama:

Prezidentka Hruzii nakłała vieta na zakon ab «zamiežnych ahientach»

Parłamient Hruzii kančatkova zaćvierdziŭ zakon ab «zamiežnych ahientach». Deputaty paśpieli pabicca

Prezident Zurabišvili: Zaŭsiody było adčuvańnie, što Rasija — vorah Hruzii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
1
Ха-ха
0
Ого
0
Сумна
0
Абуральна
1
1
Zdrastie vam/adkazać/
19.05.2024
Aha ščazz prydzie. Čto on tam budiet diełať?
0
Taki da/adkazać/
19.05.2024
Prijed́, makron. Osvobodi nas ot Rośsii. A sami užie čto skleili łapki? A kak chorošo načinali pri Saakašvili.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera