Znajści
Ałharytmičny łacinski varyjant
19.05.2024 / 12:4773RusŁacBieł

Pad Homielem z razmacham adznačyli imianiny rasijskaj impieratrycy Kaciaryny II

U vioscy Hrabaŭka prajšoŭ pieršy na Homielščynie rehijanalny fiestyval historyi i kultury XVIII-XIX stahodździaŭ — «Imianiny ŭ Kaciaryny». 

Paviedamlajecca, što tut prachodziŭ tak zvany Kaciaryninski šlach — maršrut padarožža Kaciaryny Vialikaj, jakaja nakiroŭvałasia ź Pieciarburha ŭ Krym. Pa lehiendzie rasijskaja impieratryca (jakaja ŭ samym pramym sensie spryčynilisia da padziełu Rečy Paspalitaj — NN) spyniałasia i ŭ Hrabaŭcy. Paśpieła parazmaŭlać ź miascovymi žycharami i achviaravała hrošy na navučańnie sialanskich dziaciej, piša Źviazda.

Bolš za stahodździe Hrabaŭka naležała rodu Faščaŭ. Pry ich tut byli pabudavanyja siadzibny dom, masłabojnia, brovar i cukrovy zavody, raźvivałasia harbarnaja vytvorčaść, pracavała niekalki młynoŭ, była adkryta škoła, katalickaja kaplica. Admietnaściu majontka staŭ siadzibny park i stvoranaje štučnaje voziera. Zachavałasia da našaha času tolki častka taho samaha siadzibnaha parku i słavutaść Hrabaŭki — lipavaja aleja, uklučanaja ŭ Dziaržaŭny śpis historyka-kulturnych kaštoŭnaściaŭ Biełarusi.

— Zahadzia padarožža Kaciaryny Vialikaj byŭ vydadzieny dakumient, jaki patrabavaŭ na šlachu ruchu impieratrycy pabudavać haścinicy, haściavyja damy, darohi i navat cełyja harady. Takaja daroha pralehła i praz našu Hrabaŭku. Tym samym dała mahčymaść ludziam, jakija žyvuć na hetaj terytoryi, raźvivać handal, vyvozić svaju pradukcyju na kirmašy. Maleńkaje na toj čas pasielišča Hrabaŭka stała raźvivacca.

Uvohule Kaciaryninski šlach — heta daroha, jakaja źviazała nie tolki nasielenyja punkty, ale i historyju dziaržaŭ, narodaŭ, ludziej, — na cyrymonii adkryćcia fiestyvalu historyju ŭzhadali viadučyja — školniki Hrabaŭskaj siaredniaj škoły Homielskaha rajona, jakija vielmi aktyŭna ŭklučylisia jak ŭ padrychtoŭku da śviata, tak i jaho praviadzieńnie, kaža dyrektar Hrabaŭskaj siaredniaj škoły Homielskaha rajona Taćciana Maciušenka.

Na pačatku śviata u atmaśfieru minułaha hledačoŭ akunuła ŭračystaje kaściumiravanaje šeście. Haściej fiestyvalu zaprasili na pastanoŭku małych pjes XVIII stahodździa «Sakrety Kaciaryny» i razvučvańnie balnych tancaŭ «Hrabaŭskaja intermiedyja».

Nie abyšli ŭvahaj śviata ŭ Hrabaŭcy i padrychtavali svajo vystupleńnie amatary kłasičnaj tancavalnaj kultury z Homiela — udzielniki kłubnaha abjadnańnia «Natchnieńnie» Homielskaha haradskoha centra kultury. 

— Hrabaŭski fiestyval «Imianiny ŭ Kaciaryny» sapraŭdy ŭnikalny. Jaho sutnaść — praz bahatuju historyju kraju pryciahnuć uvahu ludziej da raźvićcia sielskaj terytoryi, da jaje turystyčnaha patencyjału, — padkreśliła deputat Viktoryja Ładućka. 

Miž tym «Imianiny ŭ Kaciaryny» — adna z samyja jarkich pieršych «łastavak», jakaja jak prajekt-inicyjatyva žycharoŭ Hrabaŭki zaradziłasia i raźvivałasia ŭ miežach mižnarodnaha prajekta «Darohami Kaciaryny». Hościem śviata stała kiraŭnik prajekta «Darohami Kaciaryny», Dyrektar ustanovy «Terytoryja raźvićcia — XXI stahodździe» Iryna Bahdaniec.

— Asnoŭnaja ideja prajekta — prajści darohami Kaciaryny. Ale adnavić hety šlach nie hieahrafična, a kožnamu ŭdzielniku prajści svoj šlach i asensavać histaryčnuju spadčynu prodkaŭ.

Pryhadaju znakamity vyraz Kaciaryny II, u dačynieńni da padarožža pa Kaciarynskim šlachu: «Vandruju nie dla taho, kab ahladać miascovaść, a dla taho, kab bačyć ludziej…», — padzialiłasia Iryna Bahdaniec. Jana nahadała, što ideja stvareńnia novych turystyčnych abjektaŭ z pryviazkaj da lehiend i histaryčnych faktaŭ ab padarožžy Kaciaryny II abjadnała spačatku Homielski i Karmianski rajony Homielščyny.

Za zusim karotki čas da prajekta «Darohami Kaciaryny» dałučylisia Słaŭharadski rajon Mahiloŭščyny, Handlova-pramysłovyja pałaty Homielskaj, Branskaj, Smalenskaj abłaściej. Ciapier da prajektu dałučyŭsia i Čyrvonahvardziejski rajon Sankt-Pieciarburhu.

Praź niekalki dzion kamunikacyjnaja placoŭka dla ŭdzielnikaŭ prajekta «Darohami Kaciaryny» adkryjecca na jubilejnaj XXV Mižnarodnaj vystavie «Viasna ŭ Homieli».

— Budziem abmiarkoŭvać pytańni ŭpłyvu histaryčnaj faktury, lehiend, jakija isnujuć siarod nasielnictva, na stvareńnie novych abjektaŭ turyzmu. Heta kamunikacyjnaja placoŭka dapamoža vypracavać šlachi ŭzajemadziejańnia, dapamohi adzin adnamu i stvareńniu novych turystyčnych praduktaŭ, — dadała Iryna Bahdaniec. 

Miž tym jak udzieł u mižnarodnym turystyčnym prajekcie «Darohami Kaciaryny» moža natchnić aktyŭnych i tvorčych viaskoŭcaŭ raźvivać ułasny turystyčny prajekt pierakonvaje hrabaŭski fiestyval «Imianiny ŭ Kaciaryny».

— Adkryli bjuci-sałon Kaciaryny Vialikaj: padrychtavali vystavu lekavych traŭ dla stvareńnia naturalnaj kaśmietyki. Našy hości zmahli paznajomicca z kalekcyjaj adzinaha ŭ svaim rodzie ŭ Biełarusi muzieja vodaraŭ, stvoranaha ŭ Hrabaŭskaj siaredniaj škole 14 hadoŭ tamu. Dva hady tamu na terytoryi my zakłali duchmianyja hradki. Razam z vučniami vyroščvajem i narychtoŭvajem ułasnuju duchmianuju pradukcyju, — raspaviała nastaŭnik bijałohii i hieahrafii, kiraŭnik Muzieja vodaraŭ Hrabaŭskaj siaredniaj škoły Homielskaha rajona Alena Baravikova.

Na fiestyvali praviali dehustacyju kavy z roznymi śpiecyjami. Hrabaŭskija piedahohi i vučni padzialilisia ŭłasnym prajektam «12 miesiacaŭ» z receptami hatavańnia pryrodnych vodaraŭ dla kavy.

Pad cieniem starych lip adkryli paetyčny sałon i «litaraturnaje čajavańnie». 

— Zaprašaju u hości! Ernieścina fon Pfiofiel, — prezientavała łakacyju Centralizavanaj biblijatečnaj sietki Homielskaha rajona — litaraturnaje čajavańnie z muzami kłasikaŭ litaratury — supracoŭnik Centralnaj biblijateki Homielskaha rajona Kaciaryna Kapatkova: «Adnavili vobrazy muz Ciutčava, Hrybajedava, Puškina, Turhienieva, Niakrasava. Pracavali nad vobrazami doŭha, bo padbirali pryčoski, ubory, kab maksimalna padychodzić na znakamitych dam.

Čytajcie taksama:

«Hety asfalt lažyć dakładna na toj darozie, dzie 236 hadoŭ tamu prajechała Kaciaryna II». Vam samim nie śmiešna?»

«Mienavita tut šlach vyrašyli paŭtaryć». Na Homielščynie nasadžajuć kult Kaciaryny II

Što stała z rasijskimi pomnikami, jakija impieryja staviła ŭ nacyjanalnych pravincyjach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
52
Ха-ха
1
Ого
2
Сумна
9
Абуральна
25
2
Ja naradziŭsia tut u krainie pad šerym niebam/adkazać/
20.05.2024
Naščadak Žalihoŭskaha , možaš zvacca, choć naščadkam Žalihoŭskaha, choć litvinam, choć nieandertalcam, tołku z hetaha nul, kali ty nie umieješ być biełarusam i budavać mienavita biełaruskuju nacyjanalnuju jeŭrapiejskuju dziaržavu.
0
Kaťku na Caricu /adkazać/
20.05.2024
Očień očień opasnuju simvoliku vybrali, opasnuju dla praviaŝich v Moskvie i Minskie, vied́ istorija Rośsii vriemien Jekatieriny Vielikoj učit dla toho čtoby Rośsija mohła normalno raźvivaťsia nado by ubiť miestnoho niedoraźvitoho caria a na jeho miesto posadiť umnuju obrazovannuju połu polku połu niemku … intieriesno koho iz žienŝin imiejut v vidu orhanizatory toržiestva? No v Biełarusi to poniatno - jesť Śvietłana a vot v Rośsii o kom rieč ?
0
Mch/adkazać/
22.05.2024
Kaťku na Caricu , Jany tak daloka nie dumajuć, bo mazhoŭ nie majuć. Pryjšła polska-niemka, zavaliła eakonnnaha cara i sama stała kiravać krainaj. Voś i ŭsio. A niedalokija jašče i radujucca "śviatu".
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera