SK vystaviŭ padazravanamu ŭ padryvie mašyny Prylepina abvinavačvańnie ŭ terakcie
Śledčy kamitet Rasii pradjaviŭ abvinavačvańnie ŭ terakcie (artykuł 205 KK RF) Alaksandru Piermiakovu, zatrymanamu pa padazreńni ŭ dačynieńni da padryvu mašyny piśmieńnika Zachara Prylepina. Akramia taho, Piermiakovu vystaŭlenaje abvinavačvańnie pavodle artykuła ab niezakonnym abarocie zbroi.
Śledstva prosić zaklučyć Piermiakova pad vartu, paviedamlaje telekanał «Dožd́».
Piermiakova zatrymali 6 maja, praź niekalki hadzin paśla vybuchu mašyny piśmieńnika Zachara Prylepina na trasie ŭ Nižaharodskaj vobłaści. U videa, apublikavanym Śledčym kamitetam, Piermiakoŭ raspaviadaje, što jon uradženiec Danieckaj vobłaści i kaža, što ŭ 2018 hodzie byŭ zavierbavany ŭkrainskimi śpiecsłužbami, a ŭ 2022 hodzie zajechaŭ na terytoryju Rasijskaj Fiederacyi «z metaj zabojstva Zachara Prylepina».
Pry vybuchu zahinuŭ achoŭnik i paplečnik Prylepina, jaki jechaŭ ź im u mašynie. Sam piśmieńnik atrymaŭ pierałomy abiedźviuch noh i inšyja traŭmy i byŭ špitalizavany.
Čytajcie taksama:
Uzarvali aŭtamabil z Zacharam Prylepinym
«Ja byŭ za styrnom. Złamanyja abiedźvie nahi». Prylepin napisaŭ pra svoj stan paśla padryvu aŭto
Miadźviedzieŭ namiaknuŭ, što padazravany ŭ zamachu na Prylepina moža pamierci ŭ turmie
