Pucin pamiłavaŭ žonku «vahnieraŭca», asudžanuju za raspaŭsiudžvańnie narkotykaŭ na 16 hadoŭ
Dźmitryj Karavajčyk — vieterynar ź Pieciarburha. U 2018 hodzie Karavajčyka i jaho žonku Dzijanu Hryboŭskuju asudzili na 17 i 16 hadoŭ pazbaŭleńnia voli za vytvorčaść i zbyt narkotykaŭ u asabliva bujnym pamiery.
Fota: David Frenkiel / «Miedyjazona»
Žurnalisty paraŭnoŭvali Karavajčyka z hałoŭnym hierojem sieryjała «Va ŭsie ciažkija», školnym nastaŭnikam Uołtaram Uajtam. Karavajčyk śćviardžaŭ, što amfietamin jamu padkinuli supracoŭniki palicyi, a sam jon pad vyhladam narkotyku pradavaŭ toŭčanyja tabletki, kab znajści hrošy na raspracoŭku pratezaŭ dla žyvioł.
Karavajčyk uvajšoŭ u lik byłych źniavolenych, jakija vajavali va Ukrainie ŭ składzie PVK «Vahnier» i praz paŭhoda byli pamiłavanyja.
Na jakoj padstavie była pamiłavanaja Dyjana Hryboŭskaja, nie ŭdakładniajecca.
Infarmacyju pra toje, što Hryboŭskaja ciapier znachodzicca na voli, žurnalistam paćvierdziŭ jaje baćka. Pavodle jaho słoŭ, heta adbyłosia «pa sukupnaści dokazaŭ». «I Dzima paprasiŭ, i my paprasili. Było pamiłavańnie prezidenta», — skazaŭ mužčyna.