Hienieralny sakratar NATA zaprasiŭ Zialenskaha na samit u Vilni
Hienieralny sakratar NATA Jens Stołtenbierh paviedamiŭ, što zaprasiŭ prezidenta Uładzimira Zialenskaha uziać udzieł u samicie Aljansu ŭ Vilni ŭ lipieni. Pra heta paviedamlaje «Jeŭrapiejskaja praŭda» sa spasyłkaj na LRT.
Fota: Olivier Matthys / AP
«Ja zaprasiŭ prezidenta Zialenskaha ŭziać udzieł u samicie NATA ŭ Vilni. Ja ćviorda vieru, što heta budzie mocnym znakam našaj salidarnaści, padtrymki, jakuju sajuźniki akazvajuć Ukrainie, i ja spadziajusia, što spadar Zialenski zmoža prysutničać. Viadoma, heta budzie zaležać ad situacyi va Ukrainie, jakaja ŭsio jašče znachodzicca ŭ stanie vajny», — adznačyŭ hienieralny sakratar.
Ambasadar Ukrainy ŭ Litvie Piotr Biešta ŭ lutym zajaŭlaŭ, što prezident Zialenski płanuje asabista naviedać samit NATA ŭ Vilni, ale Ukraina čakaje zaprašeńnia.
Z pačatku rasijskaha ŭvarvańnia 24 lutaha 2022 hoda Zialenski naviedaŭ ZŠA, Vialikabrytaniju, Francyju i Bielhiju.
30 vieraśnia 2022 hoda prezident Uładzimir Zialenski abjaviŭ ab padpisańni Ukrainaj zajaŭki na paskoranaje ŭstupleńnie ŭ NATA.
Rasijskaje ŭvarvańnie pryviało da rostu jeŭraatłantyčnych nastrojaŭ ukraincaŭ da rekordnych pakazčykaŭ — 86% ukraincaŭ vystupajuć za dałučeńnie da Aljansu.
