Rasija vysyłaje estonskaha ambasadara z krainy
Ministerstva zamiežnych spraŭ Rasii abjaviła ab tym, što ŭzrovień dyppradstaŭnictva Estonii ŭ krainie budzie panižany da časovaha pavieranaha.
Rasijskaje MZS abjaviła ab panižeńni ŭzroŭniu dypłamatyčnych adnosin z Estonijaj. Zroblena heta było niby ŭ adkaz na skaračeńnie kolkasnaha składu rasijskaj ambasady ŭ Talinie. Ambasadary dźviuch krain buduć adklikany.
Adpaviednaje patrabavańnie 23 studzienia było vykazana pasłu Estonii ŭ RF Marhusu Łajdry. Jon musić źjechać z krainy da 7 lutaha.
Nahadajem, što nie biez taho napružanyja adnosiny pamiž Estonijaj i Rasijaj rezka abvastrylisia z-za pačatku vajny va Ukrainie 24 lutaha minułaha hoda.
Estonija razam sa svaimi sajuźnikami pa ES i NATA aktyŭna padtrymlivaje Ukrainu i ŭvodzić surjoznyja abmiežavańni ŭ adnosinach da Rasii.
U pryvatnaści, Estonija źjaŭlajecca pieršaj krainaj u Jeŭropie, jakaja pahadziłasia pieradać zamarožanyja rasiejskija aktyvy Ukrainie, što źjaŭlajecca biesprecedentnym z punktu hledžańnia mižnarodnaha prava.
Čytajcie jašče:
U Kramli patłumačyli, čamu praciahvaje dziejničać ukaz pra «častkovuju mabilizacyju»
Italija pastavić Ukrainie zienitny kompleks, zdolny źbivać balistyčnyja rakiety. Raskazvajem pra jaho
Ukrainski hienštab uskosna paćvierdziŭ paŭakružeńnie Bachmuta
