Ukrainski hienštab uskosna paćvierdziŭ paŭakružeńnie Bachmuta
Ukrainski hienštab u zvodcy na ranicu paniadziełka ŭskosna paćviardžaje, što rasijskija vojski jak minimum blizkija da taho, kab uziać Bachmut u apieratyŭnaje akružeńnie, heta značyć, pierarezać asnoŭnyja šlachi da jaho.
Fota AP
Siarod nasielenych punktaŭ, u rajonie jakich ukrainskija vajskoŭcy ŭ apošnija sutki adbivali ataki, u ranišniaj zvodcy źjaviłasia vioska Stupački. Hetaja vioska raźmieščanaja na darozie, jakaja złučaje Bachmut z horadam Kanstancinaŭka, jaki byŭ dla harnizona Bachmuta važnym vuzłom zabieśpiačeńnia.
Iduć bai, zhodna sa zvodkaj, i ŭ samim Bachmutie.
Pry hetym hienštab piša ŭ zvodcy, što na limanskim, aŭdziejeŭskim i zaparožskim kirunkach rasijanie «viali biespaśpiachovyja nastupalnyja dziejańni», a na bachmuckim kirunku — «praciahvali nastupalnyja dziejańni».
