Brytanskaja raźviedka: Rasija rychtujecca da nastupu USU na dvuch kirunkach
Apošnija tydni Rasija ŭmacoŭvała abarončyja zbudavańni ŭ Zaparožskaj vobłaści na poŭdni Ukrainy, asabliva pamiž haradami Vasiljeŭka i Arechaŭ. Rasija zachoŭvaje vialikija siły ŭ hetym siektary, paviedamlaje ŭ svaim čarhovym karotkim ahladzie brytanskaja vajskovaja raźviedka.
Toje, jak Rasija pracavała nad palapšeńniem abarony, śviedčyć, što kamandavańnie, chutčej za ŭsio, zakłapočanaje mahčymaściu bujnych ukrainskich nastupaŭ u adnym z dvuch kirunkaŭ: albo na poŭnačy Łuhanskaj vobłaści, albo ŭ Zaparožžy.
Bujny ŭkrainski praryŭ u Zaparožžy surjozna padarvie žyćciazdolnaść rasijskaha «suchaputnaha mosta», jaki złučaje Rastoŭskuju vobłaść Rasii i Krym; ukrainski pośpiech u Łuhansku padarvie dekłaravanuju Rasijaj vajennuju metu «vyzvaleńnia» Danbasa.
Vyrašyć, jakoj z hetych pahroz procidziejničać u pieršuju čarhu, vierahodna, źjaŭlajecca adnoj z hałoŭnych dylem dla rasijskich śpiecyjalistaŭ pa apieratyŭnym płanavańni.