Minabarony praviało zbor z kamandzirami rot śpiecapieracyj. Uličvaŭsia dośvied vajny va Ukrainie
Na bazie 38-j Bresckaj asobnaj hvardziejskaj desantna-šturmavoj bryhady prajšoŭ mietadyčny zbor z kamandzirami rot sił śpiecyjalnych apieracyj, paviedamlaje pres-słužba Minabarony.
Fota: Maksim Harłukovič, ahienctva «Vajar»
Padčas zboru byŭ adpracavany šerah pytańniaŭ pa roznych napramkach. Asablivaja ŭvaha nadavałasia ŭkaranieńniu vopytu vajny va Ukrainie ŭ praces bajavoj padrychtoŭki vajskoŭcaŭ sił śpiecapieracyj.
A taksama — kirunku taktyčnaj miedycyny, akazańniu pieršaj dapamohi pry roznych ranieńniach i traŭmach, pracy sa srodkami ŭzmacnieńnia, u źmiešanych bajavych paradkach, adpracoŭcy zasadnych dziejańniaŭ, pracy ź bieśpiłotnikami roznaha typu.
Taksama adpracoŭvalisia mierapryjemstvy pa pracy z asabovym składam, jaki padčas viadzieńnia boju ŭpadaje ŭ bolevy šok.
