Jašče raz praciahnuli zabaronu na ŭvoz i prodaž u Biełarusi pradukcyi Liqui Moly, Škoda Auto i Beiersdorf
Saviet ministraŭ pastanovaj №744 ad 3 listapada praciahnuŭ jašče na paŭhoda zabaronu na ŭvoz i prodaž u Biełarusi tavaraŭ zachodnich kampanij Škoda, Liqui Moly i Beiersdorf. Pastanova nabyvaje siłu 5 listapada.
Fota: vecteezy.com
Zabarona ŭvozić i realizoŭvać tavary «niedružalubnych vytvorcaŭ» — hrup kampanij Liqui Moly, Škoda Auto i Beiersdorf (handlovyja marki Nivea, Eucerin, La Prairie, Labello, Hansaplast, Florena, Skin Stories, Gammon, Tesa, Chaul, Coppertone, Hidrofugal dy inšyja) — budzie dziejničać da 4 maja 2023 hoda.
Upieršyniu hetuju zabaronu ŭviali ŭ krasaviku 2021 hoda jak adkaz na niežadańnie fundataraŭ finansavać čempijanat śvietu pa chakiei, jaki mielisia sumiesna pravieści Ryha i Minsk. U vyniku spabornictvy adbylisia tolki ŭ Łatvii, i pazicyja fundataraŭ tut mieła vyrašalnaje značeńnie.
Paśla taho pieršapačatkovaja paŭhadavaja zabarona nieadnarazova praciahvałasia.
