Kačanava: Masačny režym nichto nie admianiaŭ
U aŭtorak staršynia Savieta Respubliki Natalla Kačanava praviała tradycyjnuju štotydniovuju videanaradu pa pytańniach procidziejańnia karanavirusu.
Byli abmierkavanyja niekalki pytańniaŭ: biahučaja situacyja z raspaŭsiudam chvaroby, praca paliklinik i balnic, a taksama, pry nieabchodnaści, płany pa pieraprafilavańni, paviedamlaje pres-słužba Minzdaroŭja.
Ministr Dźmitryj Pinievič sprahnazavaŭ, što čarhovaja chvala čakajecca ŭ kastryčniku,
adnak najaŭnaść składanych pacyjentaŭ kaža ab tym, što rassłablacca nielha.
Pa jaho słovach, praktyka minułaj chvali pakazała, što ŭ našaj krainie jość mahčymaść pakul što nie zakryvać całkam usie balnicy.
U ciapierašni epidemičny ŭzdym pryniata rašeńnie nie zakryvać całkam usie balnicy i ŭsie adździaleńni, a častku ź ich pakinuć dla akazańnia zvyčajnaj płanavaj, vysokatechnałahičnaj i śpiecyjalizavanaj dapamohi.
Padvodziačy vyniki narady, Natalla Kačanava nahadała, što masačny režym nichto nie admianiaŭ,
a značyć nieabchodna praviarać, jak ludzi nosiać maski ŭ kramach, transparcie, ustanovach i h. d. «Kiraŭnictvu stalicy i ŭsich abłaściej nieabchodna trymać na pastajannym kantroli pytańni epidemijałahičnaj biaśpieki», — padkreśliła jana.