Качанава: Масачны рэжым ніхто не адмяняў
У аўторак старшыня Савета Рэспублікі Наталля Качанава правяла традыцыйную штотыднёвую відэанараду па пытаннях процідзеяння каранавірусу.
Былі абмеркаваныя некалькі пытанняў: бягучая сітуацыя з распаўсюдам хваробы, праца паліклінік і бальніц, а таксама, пры неабходнасці, планы па перапрафіляванні, паведамляе прэс-служба Мінздароўя.
Міністр Дзмітрый Піневіч спрагназаваў, што чарговая хваля чакаецца ў кастрычніку,
аднак наяўнасць складаных пацыентаў кажа аб тым, што расслабляцца нельга.
Па яго словах, практыка мінулай хвалі паказала, што ў нашай краіне ёсць магчымасць пакуль што не закрываць цалкам усе бальніцы.
У цяперашні эпідэмічны ўздым прынята рашэнне не закрываць цалкам усе бальніцы і ўсе аддзяленні, а частку з іх пакінуць для аказання звычайнай планавай, высокатэхналагічнай і спецыялізаванай дапамогі.
Падводзячы вынікі нарады, Наталля Качанава нагадала, што масачны рэжым ніхто не адмяняў,
а значыць неабходна правяраць, як людзі носяць маскі ў крамах, транспарце, установах і г. д. «Кіраўніцтву сталіцы і ўсіх абласцей неабходна трымаць на пастаянным кантролі пытанні эпідэміялагічнай бяспекі», — падкрэсліла яна.
