AAE pryvieźli ŭ Minsk 10 tysiač doz kitajskaj vakcyny ad karanavirusa
Siońnia nočču ŭ Minsk prylacieŭ samalot z Abjadnanych Arabskich Emirataŭ z 10 tysiačami doz vakcyny ad karanavirusa.
Fota Minzdaroŭja
U aeraporcie hruz sustrakali hałoŭny doktar Respublikanskaha centra arhanizacyi miedycynskaha reahavańnia Minzdaroŭja Eduard Valčuk i pasoł AAE Machamied edź-Šachi, paviedamlaje Minzdaroŭja.
«Družalubny krok salidarnaści ŭ imia zdaroŭja ŭrada AAE, Mižnarodnaha ruchu Čyrvonaha Paŭmiesiaca i Pasolstva AAE, značny dla našaj krainy», — adznačyŭ Eduard Valčuk.
Inaktyvavanaja vakcyna kitajskaj vytvorčaści Sars-CoV-2 «Vero Cell», akramia Kitaja, uchvalena da vykarystańnia bolš čym u 10 krainach śvietu: AAE, Bachrejnie, Jehipcie, Iardanii, Vienhryi.
Jaje razam z rasijskim «Sputnikam» vykarystoŭvajuć u biełaruskich paliklinikach.
