Šakaładnaje piečyva z marcypanam — chočacca, kab jano nikoli nie zakančvałasia
Nu što, praciahniem stvarać kaladny nastroj na kuchni? Siońniašniaje piečyva dla hetaha padychodzić idealna.
Vodary, jakija lijucca z duchoŭki padčas vypiakańnia, prymusiać usich damašnich narazać pobač ź joj nieciarplivyja kruhi, a źniknuć ź blachi piečyva moža imhnienna — tamu ciesta raju adrazu rabić padvojnuju porcyju.
Da vyrazańnia fihurak možna śmieła padklučać dziaciej i inšych členaŭ siamji, kab było chutčej i viesialej. Darečy, kali ŭ vas niama marcypanu — nie biada, hetaje piečyva i biez načynki vielmi smačnaje, duchmianaje i śviatočnaje.
Vam spatrebicca:
- 200 h masła
- 3/4 šklanki cukru
- 1 jajka
- 2 šklanki muki
- 4 st.ł parašku kakavy
- 1 č.ł. cynamonu
- pa 1/4 č.ł. muskatnaha arechu i hvaździki
- drobka soli
- kala 100 h marcypanavaj masy
Jak hatavać:
1. Miakkaje masła dobra ŭźbić z cukram. Dadać jajka i jašče raz uźbić.
2. Dadać prasiejanuju muku, kakavu, śpiecyi i sol, zamiasić ciesta (kali jano atrymajecca nie vielmi ełastyčnym, možna dadać krychu bolš muki). Pakinuć ciesta ŭ chaładzilniku niedzie na paŭhadziny.
3. Raskačać ciesta taŭščynioj kala 0,5 sm, vyrazać lubyja fihurki (pa dźvie na kožnuju piačeńku). Na adnu ź ich pakłaści krychu marcypanu, nakryć druhoj i akuratna saščapić pa krajach.
4. Vypiakać na 190°S kala 15 chvilin. Hatovaje piečyva možna prysypać cukrovaj pudraj albo razmalavać hłazuraj.
Hatujcie taksama:
- Mindalnyja śniežki — niamieckaje kaladnaje piečyva
- Makavyja syrniki ŭ duchoŭcy
- Zapiečany kamambier i hrušy z błakitnym syram dy arechami
- Duchmianaje jabłyčnaje piečyva
- Košyčki ź jabłykami i šviejcarskaj mierenhaj
- Bliny z syram i zielaninaj
- Aładki ź jabłykami
- Harbuzovy kieks ź jabłykami, žuravinami i arechami
- Piečyva z žuravinami
- Jabłyčny kieks z syram
