Vyjšaŭ pieršy trejler śpin-ofu «Hary Potera» VIDEA
Kinakampanija Warner Bros. Pictures u aŭtorak, 15 śniežnia, apublikavała pieršy trejler filma «Fantastyčnyja źviary i miesca ich pražyvańnia», jaki źjaŭlajecca śpin-ofam viadomaj fantastyčnaj sahi pra Hary Potera.
Ekranizacyja knihi «Fantastyčnyja žyvioły i miescy ich pražyvańnia» — pieršaja ź sieryi filmaŭ, scenar dla jakich napisała Džoan Roŭlinh. Film nie źjaŭlajecca prykviełam abo sikviełam «Hary Potera», ale čaroŭny śviet budzie toj ža — za 70 hadoŭ da taho jak chłopčyk sa šnaram pakinuŭ zvyčajny śviet i adpraviŭsia ŭ škołu Čaraŭnictva i mahii.
U hałoŭnych rolach: Edzi Redmejn, Era Miler, Kolin Fareł i Ron Pierłman. Režysioram vystupiŭ Devid Jets. Suśvietnaja premjera karciny adbudziecca 11 listapada 2016 hoda.
***
Śpin-of — mastacki tvor (kniha, film, kampjutarnaja hulnia, komiks), jaki źjaŭlajecca vytvornym u adnosinach da inšaha, užo isnujučaha tvoru i ekspłuatuje jaho papularnaść, pryznańnie ci kamiercyjny pośpiech za košt vykarystańnia jakich-niebudź elemientaŭ — piersanažaŭ, padziej, jakija hrali ŭ tvory-papiaredniku druharadnuju rolu.