Siońnia nazavuć Nobiel pa litaratury. Niečakanaja favarytka — Sofi Oksanien
Siońnia a 14-j hadzinie pavodle minskaha času ŭ Stakholmie nazavuć łaŭreata Nobieleŭskaj premii pa litaratury za 2014 hod. Hod tamu pieramohu atrymała kanadskaja piśmieńnica Elis Manro.
Brytanskaja bukmiekierskaja kantora Ladbrokesnajbolš aceńvaje šancy kienijskaha piśmieńnika Nhuhi Va Tchijonha, na jaho pastaŭleny kaeficyjent — 4,50, na druhim miescy idzie tradycyjny favaryt apošnich hadoŭ Charuki Murakami (5,0), a voś Śviatłana Aleksijevič — užo na trecim miescy, na jaje dajuć kaeficyjent (7,0).
Aleksijevič vyłučałasia ŭ minułym hodzie, ale akurat paśla vyłučeńnia vyjšła jaje kniha «Čas sekand-chend», u jakoj, siarod inšaha, apisany revanšysckija nastroi ŭ novaj Rasii — niezadavoleńnie roznymi słajami hramadstva strataj «vialikaj krainy» 1991 hoda i mary pra viartańnie impieryi.
4—6-ja miescy, pavodle Ladbrokes, trymajuć adrazu troje: siryjec Adonis, ałbaniec Ismaił Kadare i francuz Patryk Madyjano z kaeficyjentam 11,0.
Rezka vyraśli i kaciroŭki 37-hadovaj finskaj piśmieńnicy i aktyvistki ŁHBT-ruchu Sofi Oksanien, jakaja raniej nikoli nie traplała ŭ śpis favarytaŭ. Ramanistka jana sapraŭdy vielmi mocnaja. Takija maładyja aŭtary jašče nikoli nie atrymlivali premii.
A zaŭtra, u piatnicu, a 12-j budzie nazvany łaŭreat Nobieleŭskaj premii miru.
